ماہنامہ انوار مدینہ لاہور مارچ 2014 |
اكستان |
 |
ملک جس نازک صورتِ حال سے گزر رہا ہے اُس کا تقاضا ہے کہ حکومت تمام غیر ملکی ایجنڈوں اور ایجنٹوں کو نظر اَنداز کرتے ہوئے ملک کی تمام سیاسی جماعتوں سے طویل مشاورت کرکے مسئلہ کا کوئی سیاسی حل تلاش کرے ،حتی المقدور فوجی اَقدام سے گزیر کیا جائے کیونکہ اِس سے ملک میں مزید حالات خراب ہو جانے کے شدید اَندیشے ہیں ،فوجی کارروائیوں کے نتیجہ میں بے قصور عوامی آبادیاں بری طرح تباہی سے دو چار ہوتی ہیں پھر اُس کا اپنا ردّ عمل ہوتا ہے جو پہلے سے زیادہ شدید اور وسیع ہو کر مسائل کو مزید پیچیدہ کردیتا ہے لہٰذا ملک و قوم کا مفاد اِسی میں ہے کہ مسئلہ فوجی کارروائی کے بجائے بات چیت سے حل کیا جائے اور اِس کو ہار جیت کے اَنداز میں ہر گز نہ لیا جائے کیونکہ ہر ایسا قابلِ عمل حل جو اِسلام اورملک کے مفاد میں ہوگااُس میں کوئی فاتح یا مفتوح نہ ہوگابلکہ یہ سب کی فتح ہوگی ،بصورتِ دیگر خدا نخواستہ سب ہی کو شکست کا سامنا کرنا پڑے گا۔ جامعہ مدنیہ جدید کے فوری توجہ طلب ترجیحی اُمور (١) مسجد حامد کی تکمیل (٢) طلباء کے لیے دارُالاقامہ (ہوسٹل) اَور دَرسگاہیں (٣) کتب خانہ اَور کتابیں (٤) پانی کی ٹنکی ثواب جاریہ کے لیے سبقت لینے والوں کے لیے زیادہ اَجر ہے ۔ (ادارہ)