ماہنامہ انوار مدینہ لاہور مارچ 2014 |
اكستان |
 |
مسئلہ : تراویح میں پورا قرآنِ کریم ختم کرنا سنت ہے اور چونکہ بسم اللہ الرحمن الرحیم قرآنِ کریم کی ایک آیت ہے اِس لیے ایک مرتبہ اِسے بھی بلند آواز سے پڑھنا چاہیے تاکہ قرآنِ کریم پڑھنے اور سننے والوں سب کا مکمل ہوجائے۔ مسئلہ : جانور کو ذبح کرتے وقت بسم اللہ پڑھنا ضروری ہے۔ اگر جان بوجھ کر بسم اللہ چھوڑدی تواِمام اَبو حنیفہ کے نزدیک اُس کا گوشت حرام ہوگا۔ (معارف القرآن ج ٣ ص ٤٣٤) مسئلہ : جانور ذبح کرتے وقت بِسْمِ اللّٰہِ اَللّٰہُ اَکْبَرْ پڑھنا چاہیے۔ مسئلہ : بسم اللہ پڑھنا وضو سے پہلے سنت ہے ۔(ہدایہ ج ١ ص ٥۔ شرح وقایہ ج ١ ص ٥) اِس کے کئی الفاظ اَحادیث میں وارِد ہوئے ہیں۔ ( ١) بِسْمِ اللّٰہِ وَالْحَمْدُ للّٰہ (مجمع الزوائد ج ١ ص ٢٢ بحوالہ بطرانی فی الصغیر اسنادہ حسن) (٢) بِسْمِ اللّٰہِ (کنزل العمال ج ٩ ص ١١٨) (٣) بِسْمِ اللّٰہِ الرَّحْمٰنِ الرَّحِیْمِ (دارِ قطنی ج ١ ص ٧١ ۔نسائی ج ١ ص ٢٥۔ سنن بیہقی ج ١ ص ٤٣ کبیری ص ٢١۔ شرح وقایہ ج ١ ص ٥ ) (٤) بِسْمِ اللّٰہِ الْعَظِیْمِ وَالْحَمْدُ لِلّٰہِ عَلٰی دِیْنِ الْاِسْلَامِ۔ یہ الفاظ صحیح مرفوع روایت سے ثابت نہیں اَلبتہ بقول اِبن ہمام فقہاء ِکرام سے منقول ہیں۔ (فتح القدیر ج١ ص ١٤) مسئلہ : اگر وضو کے اِبتداء میں بسم اللہ کہنا بھول گیا تودرمیان میں کہنے سے سنت اَدا نہ ہوگی کیونکہ وضو عمل ِواحد ہے برخلاف کھانے کے کہ اُس کا ہر لقمہ اور ہرہر گھونٹ الگ الگ عمل ہے وہاں سنت اَدا ہوجائے گی۔(کبیری ص ٢٢ وکذا حقق ابن الہمام فی فتح القدیر ج ١ ص ١٥ ) مسئلہ : بعض لوگ وضو سے پہلے اَعُوْذُ بِاللّٰہِ پڑھتے ہیں اِس کا حکم نہیں ہے ،خلاف ِسنت ہے۔ مسئلہ : میت کو قبر میں اُتارتے وقت بِسْمِ اللّٰہِ وَعَلٰی مِلَّةِ رَسُوْلِ اللّٰہِ (ۖ) پڑھنا چاہیے۔ (ترمذی ، اَبوداود وغیرہ، عین الہدایہ ج ١ ص ٧٢٧) ۔