تقوی کے انعامات |
ہم نوٹ : |
 |
فائرنگ کبھی غلط نہیں ہوسکتی۔ اللہ تعالیٰ پناہ میں رکھیں ہم سب کو اپنے انتقام سے؎ یا کریم العفو ستار العیوب انتقام از ما مکش اندر ذنوب اے معافی دینے والے کریم مالک! اور ہمارے عیبوں کو چھپانے والے! آپ ہمارے گناہوں پر ہم سے کبھی انتقام نہ لیجیے۔ ایمان کی قیمت کو سوچئے، اللہ کی عظمت کو سوچئے، ایس پی کا پستول تو جان ہی لے سکتا ہے، آدمی کے خوف سے ہم نظر بچاتے ہیں، سوچئے! اللہ تعالیٰ کی نظر ہماری نظر پر ہے، ہماری نظر غلط جگہ پڑرہی ہے اور ہماری نظر پر ان کی نظر ہے۔ اس بے حیائی کی کوئی حد ہے کہ اللہ تعالیٰ ہماری نظر پر نظر جمائے ہوئے ہیں اور ہماری نظر کسی لڑکی یا لڑکے پر ہے۔ بولیے! یہ نظر بے حیا ہے یا نہیں، بے غیرت ہے یا نہیں؟ واللہ! کہتا ہوں کہ اگر ہم لوگوں پر اللہ تعالیٰ کا حلم و کرم نہ ہوتا تو اے خدا! ہم میں سے کوئی زندہ نہ ہوتا، آج زمینیں دھنس گئی ہوتیں اور ہم لوگ دھنسادیے جاتے،یہ حق تعالیٰ کا حلم و کرم ہے جس کے صدقہ میں ہم زندہ ہیں اور بزرگوں کے تعلق سے دعا و استغفار و توبہ کی توفیق ہورہی ہے۔ تعلق مع اللہ کی لذت ناقابلِ بیان ہے لیکن سن لیجیے کہ جو مزا تعلق مع اللہ کے اس مقام پر ہے کہ ایک سانس بھی ہم ان کو ناراض نہ کریں اور ہر سانس اللہ پر فدا کردیں تو زندگی کی اس لذت کو کیا کہوں؟ سارا عالَم نہیں سمجھ سکتا کہ اس میں کیا مزا ہے۔ جس کو اپنی زندگی فدا کرنے کا اس درجہ جذبہ حاصل ہوجائے کہ اے خدا! میری زندگی کی ہر سانس آپ پر فدا ہو اور ہم ایک سانس بھی آپ کو ناراض کرنے سے آپ کی پناہ چاہتے ہیں، بس یہ مقام اولیائے صدیقین کا ہے۔ مسجد کے گوشہ میں یا روضۂ مبارک پر یا بیت اللہ کے ملتزم پر ولی اللہ بن جانا کمال نہیں ہے، کمال یہ ہے کہ آپ حسینوں کے سامنے بھی ولی اللہ رہیں۔ تب سمجھ لیں ؎ شکر ہے دردِ دل مستقل ہوگیا اب تو شاید مرا دل بھی دل ہوگیا ملتزم پر تو فاسق و بدمعاش بھی رولیتا ہے اور یہ رونا بھی اس کے لیے مبارک ہے کہ پچھلی کی تو