ماہنامہ انوار مدینہ لاہور جنوری 2010 |
اكستان |
 |
پر بیعت فرماتے تھے، پانچ ہزار سے آٹھ ہزار بیک وقت بیعت ہونے والوں کا اَندازہ تحریر کیا گیا ہے جس کی مثال قریب میں نہیں ملتی۔حضرت سیّد احمد شہید سے بیک وقت بیعت ہونے والوں کی تعداد دس ہزار تک بتلائی گئی ہے لیکن ہوسکتا ہے کہ یہ تعداد بیعت ِجہاد کرنے والوں کی ہو لیکن حضرت مدنی سے بیعت ہونے والے بیعت ِ طریقت کرتے تھے ۔ حضرت مولانا مفتی محمود صاحب کے پاس حضرت مدنی کی تصوف و سلوک کے موضوع پر چند تقاریر ٹیپ تھیں جنہیں وہ آخر ِ حیات تک سنتے رہے۔ کیونکہ مفتی صاحب خود بھی کامل صوفی تھے اُنہوں نے سلسلہ نقشبندیہ میں تکمیل ِ سلوک کی تھی رحمہما اللہ رحمةً واسعةً۔ اَور یہ بات شاید سیٹھی صاحب کو معلوم نہ ہو کہ نظامی صاحب کے محبوب اَور ممدوح مولانا عبدالماجد دریا بادی حضرت مدنی سے ہی بیعت تھے۔ ١٣٤٦ھ /١٩٢٧ء میں آپ براعظم ایشیاء میں علوم ِ دینیہ کے سب سے بڑے مرکز کے سب سے بڑے درجہ کے مدرس یعنی شیخ الحدیث مقرر ہوئے اَور ١٣٧٧ھ /١٩٥٧ ء تک اِسی مسند پر درس ِ حدیث دیتے رہے۔ جن حضرات نے اَب سے ستاون سال قبل دارالعلوم دیوبند میں تعلیم حاصل کی ہے وہ اگر زندہ ہیں تو آپ ہی کے شاگرد ہیں۔ سیٹھی صاحب نے استفسار کیا ہے کہ سلہٹ میںجہاں یہ واقعہ پیش آیا وہاں کون صاحب میزبان تھے۔ اِس کے جواب کے لیے پورا واقعہ نقل کر رہا ہوں۔ مولانا رشید احمد صاحب صدیقی (کلکتہ) لکھتے ہیں : مختلف مقامات پر حضرت کی تقریروں کے پروگرام بنانا اَور آپ کے متعلق سفر کے انتظامات کرنا راقم الحروف سے متعلق تھا۔ بہر کیف ہمارا قافلہ ٣ مارچ کی شام کو گوپال پور تھا نہ بیگم گنج پہنچا۔ مولانا عبدالحلیم صدیقی مولانا نافع گل اَور دیگر چار پشاوری طالب علم ہمراہ تھے۔ چوہدری رازق الحیدر چیئر مین ڈسٹرکٹ بورڈ نواکھالی کے دولت کدہ پر قیام ہوا۔ دُوسرے دِن ایک عظیم الشان جلسہ میں انتخابی تقریر کرنی تھی۔ نماز ِ عشاء کے بعد