ماہنامہ انوار مدینہ لاہور مارچ 2009 |
اكستان |
 |
مدینہ منورہ سے باہر کہیں نہیں جاتے تھے کہ کہیں وہاں ہی موت نہ آجائے ۔ اللہ تعالیٰ نے اُن کی یہ تمنا پوری فرماکر جنت البقیع میں تدفین کی سعادت نصیب فرمائی۔ اہل ِادارہ اُن کے پسما ندگان خصوصًا صاحبزادہ محترم اور اُن کے داماد محترم الحاج ڈاکٹر شاہد اُویس صاحب مدظلہ کی خدمت میں تعزیت ِ مسنونہ پیش کرتے ہوئے دُعا گوہیں کہ اللہ تعالیٰ مرحوم کی مغفرت فرماکر جنت الفردوس میں اعلیٰ مقام عطافرمائے ۔ یکم فروری کو لندن میں جامعہ مدنیہ لاہور کے فاضل مولانا محمد عمران صاحب جہانگیری اچانک حرکت قلب بند ہونے سے وفات پا گئے ۔ مرحوم بہت خوش خُلق اور ملنسار اِنسان تھے ۔جامعہ مدنیہ جدید سے قلبی لگاؤ رکھتے تھے، اللہ تعالیٰ مولانا کی مغفرت فرماکر جنت الفردوس میں اعلیٰ مقام عطا فرمائے اور اُن کے پسماند گان کو صبر جمیل کی تو فیق نصیب ہو۔ ٢١ فروری کوجامعہ مدنیہ جدید کے فاضل مولانا عمران صاحب کے والد صاحب اسلام آباد میں وفات پا گئے،اللہ تعالیٰ مرحوم کی مغفرت فرما کر اپنے جوار ِ رحمت میں جگہ عطا فرمائے اَور اُن کے پسماند گان کو صبر جمیل کی تو فیق نصیب ہو۔ جامعہ مدنیہ جدید کے متعلم محمد انعام اللہ کے دادا اَور محمد شہباز کے دادا بھی گذشتہ ماہ وفات پاگئے۔ جامعہ مدنیہ جدید اور خانقاہِ حامدیہ میں جملہ مرحومین کے لیے ایصال ثواب کرایا گیا ۔اللہ تعالیٰ قبول فرمائے،آمین۔