ماہنامہ انوار مدینہ لاہور فروری 2009 |
اكستان |
 |
لیا اور اُن کی بہن سیریں ہدیةً حضرت حسان کو دے دی۔ حضرت ابراہیم جو حضوراقدس ۖ کے صاحبزادے تھے حضرت ماریہ سے پیدا ہوئے۔ اِن کی ولادت ماہِ ذی الحجہ ٨ ھ میں مدینہ منورہ سے کچھ دُور ایک بستی میں ہوئی(جسے عالیہ کہتے تھے) حضوراقدس ۖ اِن کی ولادت سے بہت مسرورہوئے اور ساتویں روز عقیقہ فرمایا اور اُن کے بالوں کے برابر چاندی صدقہ کی اور دُودھ پلانے کے لیے حضرت اُم سیف کے سپرد کیا۔ اِن کے شوہر اَنصاری تھے جو لوہار کا کام کرتے تھے۔(اُسد الغابہ و الاصابہ ) حضرت اَنس فرماتے تھے کہ میں نے کسی کو اہل وعیال کے ساتھ رحمت وشفقت کا برتاؤ کرنے میں آنحضرت ۖ سے بڑھ کر نہیں دیکھا۔ آپ ۖ کا صاحبزادہ شیر خوار ابراہیم مدینہ منورہ سے دُور ایک بستی میں دُودھ پیتا تھا۔ آپ ۖ وہاں تشریف لے جایا کرتے تھے اور ہم آپ ۖ کے ساتھ ہوتے تھے۔ جن صاحب کی بیوی دُودھ پلاتی تھی وہ لوہار کا کام کرتے تھے بھٹی گرم ہونے کی وجہ سے گھر دھوئیں سے بھر جاتا تھا اور آپ ۖ اُسی دھوئیں میں جاکر بیٹھ جاتے تھے اور بچہ کو لے کر چومتے تھے۔ حضرت اَنس اِسی سلسلہ کا ایک واقعہ یہ بھی بیان فرماتے تھے کہ ایک مرتبہ آنحضرت ۖ اپنے بچہ ابراہیم کو دیکھنے کے لیے تشریف لے چلے، میں بھی ساتھ ہولیا۔ جب اُن صاحب کے قریب پہنچے جن کی بیوی صاحبزادہ کو دُودھ پلاتی تھی تو(میں نے دیکھا) وہ بھٹی گرم کررہے ہیں اور سارا گھر دھوئیں سے بھرا ہواہے۔ میں جلدی سے رسول اللہ ۖ سے آگے بڑھا اور اُن صاحب سے کہا کہ اے ابوسیف !ذراٹھہرو، رسول اللہ ۖ تشریف لائے ہیں۔ میری توجہ دلانے سے اُنہوں نے بھٹی دھونکنا چھوڑدیا۔ وہاں پہنچ کر آنحضرت ۖ نے بچہ کو منگا کر چمٹالیا اور(اُس وقت کے مناسب پیارومحبت میں ) مشیت ِخداوندی کے موافق (بہت کچھ ) فرمایا ( مسلم شریف) حضرت ابراہیم نے ١٦ یا ١٧ ماہ کی عمر پاکر وفات پائی (شرح مسلم للنووی ) واقدی نے اُن کی عمر ١٨ ماہ اور بعض علماء نے ١٦ ماہ اور ٢٨ روز بتائی ہے ۔( اُسد الغابہ ) حضرت ابراہیم کی وفات کے وقت سید ِ عالم ۖ وہیں موجود تھے۔ اُن کے آخری سانس جاری تھے کہ سید عالم ۖ کی آنکھوں سے آنسو جاری ہوگئے۔ اُس وقت حضرت عبدالرحمن بن عوف بھی حاضر تھے۔ اُنہوں نے آنحضرت ۖ کی مبارک آنکھوں سے آنسو جاری ہونے کو تعجب سے دیکھا اور اُن کے دل میں خیال آیا کہ اوّل تو آپ رونے سے منع فرماتے ہیں اور یوں بھی آپ مقرب الٰہی ہیں۔ آپ کو دُنیا کی نعمت