ماہنامہ انوار مدینہ لاہور فروری 2009 |
اكستان |
|
درس حدیث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) استغفار کے فوائد ۔ اِنسان گناہ کیوں کرتا ہے اور اِس کی حکمت گناہ کا اعتراف اور ندامت بھی ضروری ہے ۔ بڑی غلطی وہ ہوتی ہے جو اللہ کے یہاں بڑی ہو اللہ کی رحمت نہ ہو تو معمولی بات بھی بڑاگناہ بن سکتی ہے ( تخریج و تزئین : مولانا سیّد محمود میاں صاحب ) (کیسٹ نمبر 58 سا ئیڈ A 25 - 04 - 1986 ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! رسولِ کریم علیہ الصلٰوة والتسلیم نے مثالیں بھی دی ہیں واقعات بھی بتائے ہیں کہ اِستغفار سے کیا کیا فوائد ہوتے ہیں۔ حدیث شریف میں یہ آتا ہے حضرت عبد اللہ ابن ِ عباس فرماتے ہیں رسول اللہ ۖ نے اِرشاد فرمایا مَنْ لَزِمَ الْاِسْتِغْفَارَ جو اِستغفار کو لازمی کرلے عادت بنالے جَعَلَ اللّٰہُ لَہ مِنْ کُلِّ ضِیْقٍ مَّخْرَجًا اللہ تعالیٰ اُس کے واسطے ہر تنگی سے کشادگی پیدا فرماتے ہیں وَمِنْ کُلِّ ھَمٍّ فَرَجًا اَور ہر غم سے نجات کا راستہ وَرَزَقَہ مِنْ حَیْثُ لَا یَحْتَسِبُ ١ اوراللہ تعالیٰ اُس کو وہاں سے رزق پہنچائیں گے جہاں اُس کا گمان نہ ہوگا۔ قرآنِ پاک میں سورۂ نوح میں ہے کہ حضرتِ نوح علیہ السلام نے اپنی قوم سے یہ فرمایا تھا اِسْتَغْفِرُوْا رَبَّکُمْ اِنَّہ کَانَ غَفَّارًا اللہ سے اِستغفار کرو وہ معاف فرمانے والا ہے ۔ کیا کیا فوائد ہوں گے ١ مشکوة شریف ص٢٠٤