Deobandi Books

منسوخ اور ختم ہیں اورباطل ہیں ۔ بس اِسی پر چلتے رہنا یہی ہمارے لیے سعادت ہو گی اور آ پ اپنے کو کتاب سے جوڑے رکھیں اور اللہ کی یاد سے اپنے آپ کو وابستہ کر یں۔ میں یہ بار بار اِس لیے کہتا ہوں کہ یہ سلسلہ بالکل ختم ہوچکا ہے اِس کی طرف کسی کی توجہ نہیں ہے بیعت ہو گئے اور ساری زندگی گزار دی بس میں تو فلاں سے بیعت ہوں۔ اِ س سے کیا ہوتا ہے صرف بیعت ہوگئے ؟اگر یہی صحیح ہوتا تو آپ کے شیخ یہی کرتے بس صرف بیعت ہو چکے ہوتے اورباقی اسباق نہ کیے ہوتے جیسے اُنہوں نے کیا ہے ایسے ہی آپ نے بھی کرنا ہے مکمل طور پر ، صرف بیعت ہوجانا کافی نہیں ہے اُن کے پاس جائیں اُن سے کہیں درخواست کریں بار بار کریں کہ مجھے یہ سکھائیں۔ 
بعض ایسے بھی ہیں جنہیں خود ہی اسباق نہیں آتے ایسے بھی ہیںبعض لوگ، لیکن ایک سلسلہ چل رہا ہے لوگ حسنِ اِعتقاد کی وجہ سے حسن ِ ظن کے وجہ سے تعلق اُن سے قائم رکھے ہوئے ہیں۔ لیکن بہر حال صحیح تو یہی ہے کہ اِنسان تربیت اپنی بھی کرے دُوسروں کی بھی کرے تاکہ دین کا سلسلہ چلتا رہے تو اپنے کو کسی سے وابستہ کریں اور جیسے اِن کتابوں کو محنت سے پڑھ رہے ہیںاِس سلسلہ کو بھی محنت سے جاری رکھیں۔ اللہ تعالیٰ ہمارا ظاہر اور باطن دونوں پاک وصاف فرمائے۔ آپ نے پڑھا آپ کے اُستاذ مولانا حسن صاحب نے پڑھایا بس اللہ تعالیٰ آپ سب کو جزائے خیر دے اور اِنہیں تو بہت ہی جزائے خیر دے، بچارے تھکتے رہتے ہیں آپ کے پاس اور اَن تھک محنت کرتے ہیں اور میں تو اِنہیں کہتا ہوں اِتنی محنت نہیں کرنی چاہیے آرام کریں ورنہ تو بیمار ہوجائیں گے کیونکہ دن رات میں یہ جو چوبیس گھنٹے ہیں چھبیس گھنٹے تو ہیں نہیں تو اِنہی چوبیس گھنٹوں میں کھانا پینا بھی ہے اِنہی میں آرام بھی کرنا ہے اِنہی میں پڑھنا پڑھا نابھی ہے سارے کام کرنے ہیں۔ تو بہر حال یہ ہیں اور دیگرسب اساتذہ ہیں یہ سب ہماری آنکھوں کی ٹھنڈک ہیں اِن سے ہمارا جی خوش ہوتا ہے۔ اللہ تعالیٰ اِن کو اِس کا بہت بہت اَجر دے آپ کو بھی اوراِن سب کو بھی اور اِس سلسلے کو قائم و دائم فرمائے اور اِس کو قبول بھی فرمائے اور اِ س میں جوہم سے لغزشیں کوتاہیاں اور غلطیاں یقینًا ہوئیں ہیں اور ہوتیں ہیں اور جو آئندہ بھی ہوں اللہ اُن سب کو معاف بھی فرما ئے اور ہمارا خاتمہ ایمان پرفرمائے اور آخرت میں رسول للہ  ۖ کی شفاعت اور اُن کا ساتھ نصیب فرمائے۔  وَآخِرُ دَعْوَانَا اَنِ الْحَمْدُ لِلّٰہِ رَبِّ الْعَالَمِیْنَ ۔(جاری ہے)