ماہنامہ انوار مدینہ لاہور اگست 2007 |
اكستان |
|
اخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٣جولائی کو بعد اَز نمازِ عصر جناب حافظ رشید احمد صاحب شریفی کراچی سے جامعہ مدنیہ جدید تشریف لائے۔ تعلیمی و تعمیری اَحوال کو دیکھ کر خوشی و مسرت کا اِظہار کیا۔ ٨جولائی کو بعد اَز نمازِ ظہر جناب قاری عبد المالک صاحب راولپنڈی سے جامعہ مدنیہ جدید تشریف لائے اور طلباء سے بیان فرمایا۔ بعد اَز نمازِ عصر واپس تشریف لے گئے۔ ٥ اگست کو تقریب ختم بخاری کے بعد جامعہ مدنیہ جدید میں سالانہ تعطیلات ہوں گی۔ ٢٦رجب المرجب ١٤٢٨ھ مطابق ١١اگست ٢٠٠٧ء کو جامعہ مدنیہ جدید میں وفاق المدارس کے سالانہ اِمتحانات ہوں گے۔ ٤شعبان المعظم مطابق ١٨اگست بروز ہفتہ'' دورۂ صرف و نحو'' کا آغاز ہوگا جس میں ملک بھرسے طلباء شریک ہوں گے ،انشاء اللہ۔ حضرت مولانا حسن صاحب ''دورۂ صرف و نحو'' شروع کرائیں گے ، انشاء اللہ۔ بقیہ : حضرت فاطمہ کے مناقب حضرت ابوذرغِفاری بڑے درجہ کے پارسا اور زاہد تھے۔ زُہد (بیزاری ٔدُنیا) میں سب صحابہ پر فوقیت رکھتے تھے اور آپ کو حضرت عیسیٰ علیہ الصلوٰة والسلام سے زُہد میں مشابہت تھی۔ چنانچہ مشکوٰة میں ہے اِنہوں نے بطریق ِ حسرت قبر سے یہ کلام کیا تھا کہ ایسی ذات ِمقدسہ بھی تجھ میں تشریف فرما ہوئیں، بطورِ کرامت اور خرقِ عادت آپ کو قبر نے جواب دیا اور حسب و نسب کا مفید اور غیر مفید ہونا پیشتر معلوم ہوچکا ہے۔ حق یہ ہے کہ اعمال ِ صالحہ سے کام چلتا ہے اور نجات ملتی ہے۔ وَلِلّٰہِ دَرُّ مَنْ قَالَ : بندۂ عشق شدی ترک ِ نسب کن جامی کہ دریں راہ فلاں ابن ِ فلاں چیزے نیست ض (جاری ہے )