ماہنامہ انوار مدینہ لاہور اگست 2007 |
اكستان |
|
وفیات ١٠ جولائی کواِسلام آباد کے جامعہ حفصہ اور لال مسجد میں شہید ہونے والے عبد الرشید غازی اور طلباء وطالبات کی شہادت کواللہ تعالیٰ قبول فرمائے ۔جامعہ و خانقاہ میںاُن کے لیے دُعائے مغفرت کی گئی نیززخمی ہونے والوں کے لیے دُعائے صحت کی گئی۔اللہ تعالیٰ اِن مظلومین کے پسماندگان کو صبرِ جمیل کی توفیق عطا فرمائے اور اُن کی کفالت اور وَکالت فرمائے۔ ٤جولائی کو جامعہ خیر العلوم خیرپور ٹامیوالی کے بانی و شیخ الحدیث حضرت مولانا مفتی غلام قادر صاحب طویل علالت کے بعد ٩٠ برس کی عمر میں وفات پاگئے۔ مرحوم دارُالعلوم دیوبند کے فاضل تھے۔ اپنے علاقے میں مولانا کا بہت بڑا علمی مقام تھا۔ تمام عمر علمی و دینی خدمات میں صرف کردی۔ اللہ تعالیٰ حضرت مولانا کی خدمات کو قبول فرماکر جنت الفردوس میں اعلیٰ مقام عطا فرمائے اور مولانا کی وفات سے پیدا ہونے والے خلاء کو بھی پر فرمائے۔ گزشتہ ماہ کے اَوائل میں جمعیت علماء اسلام کے سابق رہنما بلوچستان کے خان زمان خان اچکزئی طویل علالت کے بعد اِنتقال کرگئے۔ مرحوم بہت سی خوبیوں کے مالک اور وَضع دار اِنسان تھے۔ ٢٦ جولائی کو جامعہ مدنیہ قدیم کے مدرس مولانا قاری عثمان صاحب اور مولانا زکریا صاحب کے بڑے بھائی محمد عمران صاحب کچھ عرصہ علیل رہ کر وفات پاگئے۔نیز اِسی تاریخ کو چوہدری اِفتخار صاحب و چوہدری ذوالفقار صاحب کی والدہ صاحبہ بھی کچھ عرصہ بیمار رہ کر وفات پاگئیں۔ اِنَّا لِلّٰہِ وَاِنَّا اِلَیْہِ رَاجِعُوْنَ۔ اللہ تعالیٰ جملہ مرحومین کی مغفرت فرماکر جنت الفردوس میں اعلیٰ مقام عطا فرمائے۔ جامعہ مدنیہ جدید اور خانقاہِ حامدیہ میں جملہ مرحومین کے لیے ایصالِ ثواب اور دُعائے مغفرت کرائی گئی، اللہ تعالیٰ قبول فرمائے، آمین۔