ماہنامہ انوار مدینہ لاہور جنوری 2007 |
اكستان |
|
کہ اِن محلات کا خریدار کوئی ہے ؟اور اِرشاد ہوگا کہ اِن کی قیمت یہ ہے کہ جس کا جو حق کسی کے ذمہ ہو اُسے معاف کردے اُس وقت کثرت سے اہل حقوق اپنے حق معاف کردیں گے۔ (خیر الارشاد۔ حقوق فرائض) اخبار الجامعہ ( جامعہ مدنیہ جدید محمد آباد رائیونڈ روڈ لاہور ) اِس سال جامعہ مدنیہ جدید میں درسِ نظامی کے شعبہ میں داخلہ لینے والے طلباء کی تعداد آٹھ سو سے تجاوز کر گئی۔ جگہ کے کم پڑجانے کی وجہ سے شدید سردی میں طلباء مسجد کی چھت اور میدان میں خیمے لگاکر وقت گزار رہے ہیں۔ ٣٠ نومبر کو حضرت مولانا سید محمود میاں صاحب جامعہ مدنیہ جدید کے سابق متعلم محمد زاہد صاحب کا نکاح پڑھانے کے لیے مانگامنڈی تشریف لے گئے۔ اسی دن جناب محترم خرم کرامت صاحب جامعہ مدنیہ جدید تشریف لائے، مسجد حامد کے تعمیراتی کاموں کے بارے میں مشاورت ہوئی۔ ١١ دسمبر کوجناب شعیب میر صاحب، عبد الرئوف صاحب اور دیگر حضرات کے ساتھ بعد نماز مغرب مسجد حامد کے سلسلے میںمشاورت ہوئی۔ ١٢ دسمبر کو حضرت مہتمم صاحب جامعہ مدنیہ جدید کے طالب علم محمد بلال کے والد صاحب کی تعزیت کے لیے ماڈل ٹائون تشریف لے گئے۔ ١٤ دسمبر کو حضرت مولانا سےّد محمود میاں صاحب بعد مغرب جامعہ مدنیہ قدیم کے سابق مدرس مولانا عبد المالک شاہ صاحب کے بیٹے کی شہادت پرتعز یت کے لیے گوجرانوالہ تشریف لے گئے۔ وہاں سے جامعہ کے طالب علم محمد آصف کے گھر مُرالی رات کے کھانے پر تشریف لے گئے۔ مولانا خالد صاحب اور مولانا امان اللہ صاحب بھی ہمراہ تھے،رات دس بجے بخیریت واپسی ہوئی۔