ماہنامہ انوار مدینہ لاہور جنوری 2007 |
اكستان |
 |
ایک رُوسی خاتون کے قبولِ اسلام کی عبرت ناک داستان ( تحریر : زکی الطریفی، ترجمانی : محمد عفان صاحب منصور پوری ) ایک رُوسی تاجر الیکٹرانک سامانوں کی تجارت کے عنوان سے رُوس کی غریب نوجوان لڑکیوں کو ایک عرب ملک میں لایا کرتا تھا اور یہاں آکر انہیں بدکاری کے مذموم پیشہ میں لگانے کی کوشش کرتا تھا۔ ایک مرتبہ وہ چند لڑکیوں کو لے کر آیا اور اُن کے سامنے اپنا منصوبہ پیش کیا تو اُن میں سے ایک باغیرت لڑکی نے اِس پیشکش کو سختی سے ٹھکرادیا۔ اس بد فطرت تاجر نے لڑکی کے تیور دیکھ کر اُسے ڈرایا دھمکایااور یہ کہا کہ اگر تو اِس بدعملی پر راضی نہیں ہوتی تو میں اِس اجنبی ملک میں تجھے اکیلا چھوڑدوں گا اور تو گم ہوکر رہ جائے گی۔ لڑکی نے تاجر کے ناپاک اِرادوں کو بھانپ لیا اور یہ دھمکی سنتے ہی بڑی برق رفتاری کے ساتھ اُس نے کسی طرح تاجر کے ہاتھ سے اپنا پاسپورٹ چھینا اور دوڑتی ہوئی شاہراہ عام پر آگئی۔ اُس کے پاس سوائے ان پڑوں کے جس سے اُس نے اپنا جسم چھپا رکھا تھا کچھ نہیں تھا۔ اسے اپنے ضائع ہونے کا احساس ستارہا تھا اور وہ فیصلہ نہیں کر پارہی تھی کہ کہاں جائے؟ (اس کے فلسطینی شوہر نے ہمیں اگلا قصہ اس طرح بتایا) : میں اپنی والدہ اور دو بہنوں کے ساتھ اسی راستہ کے قریب سے گزر رہا تھا جہاں وہ لڑکی حیران و پریشان کھڑی تھی۔ وہ ہمیں دیکھ کر تیزی سے ہماری طرف لپکی اور جب اُس نے یہ جان لیا کہ ہم انگریزی میں گفتگو سمجھ سکتے ہیں تو اُس کی بانچھیں کھل گئیں اور اُس نے اپنے اُوپر گذری ہوئی داستان سنا ڈالی۔ اُس کی مظلومیت کی داستان سن کر ہم نے اسے پناہ دینے کا اِرادہ کرلیا۔ میں نے اس کے گھر والوں سے رابطہ کی کوشش کی لیکن ناکام رہا۔ میری بہنوں نے اُس کے ساتھ ایسا اچھا معاملہ کیا گویا کہ وہ اِن کی تیسری بہن ہے۔ ہم نے اُس کے سامنے مذہب ِاسلام کا تعارف اور اس کی خوبیاں بیان کرنی شروع کیں۔ لیکن وہ سختی سے تردید کرتی رہی۔ اِسی دوران ہمیں معلوم ہوا کہ وہ ایسے متعصب قبیلہ سے تعلق رکھتی ہے کہ جو اسلام اور مسلمانوں کو بہت ناپسند تصور کرتا ہے۔ میں نے اِس سلسلہ میں اپنی بہن کی بھرپور مدد کی۔ بعض مباحثوں میں شریک بھی ہوا۔ پھر ایک دن اُس کے لیے اسلام کے