ماہنامہ انوار مدینہ لاہور دسمبر 2005 |
اكستان |
 |
کا اعادہ کرلینا چاہیے۔ اس لیے کہ وہ نماز نہایت سخت ضرورت کے لیے خلاف قیاس عملِ کثیر کے ساتھ مشروع کی گئی ہے ۔ شدید ضرورت کے بغیر اس قدر عمل کثیر نماز کے لیے مفسد ہوتا ہے ۔ مسئلہ : اگر کوئی ناجائز لڑائی ہوتو اس وقت اس طریقے سے نماز پڑھنے کی اجازت نہیں مثلاً باغی لوگ بادشاہِ اسلام پر چڑھائی کردیں یا کسی دنیاوی ناجائز غرض سے کوئی کسی سے لڑے تو ایسے لوگوں کے لیے اُس وقت عملِ کثیر معاف نہ ہوگا۔ مسئلہ : جہت قبلہ کے خلاف نماز شروع کرچکے ہوں کہ اتنے میں دشمن بھاگ جائے تو اُن کو چاہیے کہ فورًا قبلہ کی طرف پھر جائیں ورنہ نماز نہ ہوگی۔ مسئلہ : اگر اطمینان سے قبلہ کی طرف نماز پڑھ رہے ہوں اور اِسی حالت میں دشمن آجائے تو ان کو فورًا دشمن کی طرف پھر جانا جائز ہے اوراُس وقت استقبالِ قبلہ شرط نہ رہے گا۔ قارئین انوارِمدینہ کی خدمت میں اپیل ماہنامہ انوارِ مدینہ کے ممبر حضرات جن کو مستقل طورپر رسالہ ارسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ انوارِ مدینہ ایک دینی رسالہ ہے جو ایک دینی ادارہ سے وابستہ ہے اس کا فائدہ طرفین کا فائدہ ہے اور اس کا نقصان طرفین کا نقصان ہے اس لیے آپ سے گزارش ہے کہ اس رسالہ کی سرپرستی فرماتے ہوئے اپنا چندہ بھی ارسال فرمادیں اوردیگر احباب کوبھی اس کی خریداری کی طرف متوجہ فرمائیں تاکہ جہاں اس سے ادارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)