ماہنامہ انوار مدینہ لاہور دسمبر 2005 |
اكستان |
 |
ایک اورحدیث میں ہے کہ حق تعالیٰ شانہ فرماتے ہیں: یہ میرے بندے بکھرے ہوئے بالوں والے میرے پاس آئے ہیں، میری رحمت کے اُمیدوار ہیں(اس کے بعد بندوں سے خطاب فرماتے ہیں )اگر تمہارے گناہ ریت کے ذروں کے برابر ہوں ، اور آسمان کی بارش کے قطروں کے برابر ہوں اور تمام دُنیا کے درختوں کے برابر ہوں ، تب بھی بخش دئیے جائو گے ، اب بخشے بخشائے اپنے گھر چلے جائو ، (کنز العمال )اور ایک اور حدیث میں ہے کہ حق تعالیٰ شانہ فخر کے طورپر فرشتوں سے فرماتے ہیں: دیکھو میں نے ان بندوں کی طرف اپنا رسول بھیجا، یہ اُس پر ایمان لائے ، میں نے اُن پر کتاب نازل کی،یہ اُس پر ایمان لائے ،تم گواہ رہو کہ میں نے اِن کے سارے گناہ معاف کردئیے ۔ (کنز العمال) غرض بہت کثرت سے روایات میں یہ مضمون وارد ہوا ہے، ان ہی جیسی احادیث کی بناء پر بعض علماء نے کہا ہے کہ حج کی معانی صغیرہ گناہوں کے ساتھ مخصوص نہیں ،کبیرہ گناہ بھی اس سے معاف ہوجاتے ہیں ، وہ بااختیار بادشاہ ہے، اُس کی نافرمانیوں کا نام گناہ ہے، وہ کسی آدمی کی یا کسی جماعت کو اپنے فضل سے بالکل ہی معاف کردے تو نہ اُس کے لطف وکرم سے بعید ہے نہ کسی دوسرے کا اِس میں اجارہ ہے۔ جرمنی میں ٥٥ سالہ خاتون کے گھرتیرھویں بچے کی پیدائش برسلز (اے پی پی )جرمنی کی ٥٥ سالہ خاتون نے تیرھویں بچے کو جنم دیا۔ پیر کو جرمنی کے اخبار کی رپورٹ کے مطابق جرمن خاتون نے خود حیرت کا اظہار کیا کہ وہ اس عمر میں کیسے تیرھویں بچے کی ماں بن گئی ۔ اس کے مطابق اس کا تیرھویں بچہ پیدا کرنے کا کوئی منصوبہ نہیں تھا ۔ اس نے بتایا کہ اس کے ہاں پہلا بچہ ١٩ سال کی عمر میں پیدا ہوا ۔انگلش اور رُوسی زبان کی ٹیچر ٥٥سالہ جرمن رونیگ طلاق یافتہ ہے اور اس کے باقی بچوں کی عمریں ١٣سے ٣٤ سا ل ہیں ۔ رونیگ کے پانچ نواسے بھی ہیں جن کی عمریں ٨ماہ سے ١٦سال ہیں ۔ (روز نامہ نوائے وقت ، یکم نومبر ٢٠٠٥ء )