قلوب اولیاء اور نور خدا |
ہم نوٹ : |
|
ہوتے تو وہ مجنوں کے عشق لیلیٰ کو عشق مولیٰ سے بدل دیتے۔ اللہ والے جس مرید کے قلب کو ہینڈل کرتے ہیں اس کو مولیٰ سے رابطہ بھی دیتے ہیں اور حسینوں کے سینڈل سے حفاظت بھی دیتے ہیں، لہٰذا اپنے دل کی موٹر کو اللہ والوں کے حوالے کرو، ان کی محبت کے پیٹرول سے آپ کی روح کا جہاز عرشِ اعظم پر اُڑ جائے گا۔ اور ان حسینوں نمکینوں کے عشق سے آپ ہر وقت بے چین رہیں گے کیوں کہ محبت کا مزاج امتزاجی ہے، محبت ہر وقت محبوب سے وابستہ رہنا چاہتی ہے لیکن دنیا کے معشوق ہر وقت ہمارے ساتھ نہیں رہ سکتے۔ مان لو اگر بیوی بہت حسین ہے تو اپنے ماں باپ کے یہاں جائے گی یا نہیں؟ اچھا چلیے مان لیجیے کہ اس کے ماں باپ مرگئے ہیں، کوئی اور رشتہ دار بھی نہیں ہے اور وہ رات دن آپ کے ساتھ ہے مگر وہ خوب رُو جاجرو تو جائے گی۔ اب آپ سوچتے ہوں گے کہ جاجرو کون سی لغت ہے؟ گجراتی میں لیٹرین کو جاجرو کہتے ہیں۔ یہ نئی لغت سنی آپ نے! لغت آپ گجراتیوں کی ہے مگر تفصیل میں کر رہا ہوں، جاجرو یعنی لیٹرین گجراتیوں کی لغت ہے، تو آپ کی وہ خوب رو جاجرو جائے گی تو کیا آپ لیٹرین میں بھی گھس جائیں گے، عاشق دو داخل جاجرو ہو جائیں گے؟ سوائے اللہ تعالیٰ کی ذات کے اور کوئی ہمارے پاس ہر وقت نہیں ہے، وَ ہُوَ مَعَکُمۡ اَیۡنَ مَا کُنۡتُمۡ 9؎ یہ جملۂ اسمیہ ہے جو دلالت کرتا ہے دوام اور ثبوت پر، یہ جملۂ فعلیہ نہیں ہے، اللہ نے جملہ اسمیہ نازل فرمایا ہے وَہُوَ مَعَکُمۡ اَیۡنَ مَا کُنۡتُمۡ جہاں بھی تم رہو گے اللہ تعالیٰ تمہارے ساتھ ہے۔ توایسے محبوب سے دل لگاؤ جس کی وجہ سے تم کو کبھی غم فراق نہ ملے، ہر وقت چین سے رہو۔ عشق مجازی کی بےچینی و بے سکونی اور اللہ کا نور قلب میں ایسے آتا ہے کہ یَمۡشِیۡ بِہٖ فِی النَّاسِ 10؎ سارے عالم میں جہاں جاؤ گے اللہ ساتھ ہوگا، زمین کے نیچے قبر میں جاؤ گے وہاں بھی اللہ ساتھ ہوگا، عالم برزخ میں بھی ساتھ ہوگا، صراطِ مستقیم پر بھی ساتھ ہوگا، میدانِ محشر میں بھی ساتھ ہوگا اور جنت میں بھی ساتھ ہوگا، ایسے باوفا مولیٰ کو چھوڑ کر بے وفا لیلاؤں کے چکر میں کیوں پڑرہے ہو؟ لیلیٰ _____________________________________________ 9؎الحدید:4 10؎الانعام:122