داستان اہل دل |
ہم نوٹ : |
|
پیشِ لفظ پیشِ نظر وعظ ’’داستانِ اہلِ دل‘‘مرشدی و مولائی شیخ العرب والعجم عارف باللہ حضرتِ اقدس مولانا شاہ حکیم محمد اختر صاحب دامت برکاتہم کے جنوبی افریقہ کے آٹھویں سفر میں ہونے والی تین مجالس کے ارشادات کا مجموعہ ہے۔ جس میں سے پہلی مجلس ۱۲؍رجب المرجب ۱۴۱۹ھ مطابق۴ ؍نومبر ۱۹۹۸ء، بروز بدھ، بعد فجر، دارالعلوم زکریا،لینیشیا، جوہانسبرگ میں ہوئی اور دوسری مجلس اسی دن بعد مغرب مفتی حسین بھیات صاحب رحمۃ اللہ علیہ کے گھر میں ہوئی اور تیسری مجلس بھی مفتی صاحب ہی کےیہاں ۱۶ رجب المرجب ۱۴۱۹ھ مطابق۸نومبر ۱۹۹۸ء، بروز اتوار بعد مغرب ہوئی۔ ان مجالس میں حضرت اقدس دامت برکاتہم نے اپنے اشعار بعنوان ’’سبق دیتی ہے ہر دم اہلِ دل کی داستاں مجھ کو‘‘ کی انتہائی درد انگیز تشریح فرمائی اور اس کے ضمن میں اپنے بعض حالاتِ رفیعہ بھی بیان فرمائے۔ احقر نے ان تشریحات کو اولاً جمع اور مرتب کیا اور ترتیبِ ثانی نہایت سلیقہ اور محنت سے برادرم محمد ناصر سلمہٗ خادم حضرت والا نے کی جو اب قارئین کے استفادہ کے لیے پیش ہے۔ اللہ تعالیٰ قبول فرمائے اور ہمیں حضرت والا دامت برکاتہم کے دردِ دل کی قدر دانی کی توفیق عطا فرمائے، آمین۔ یکے از خدام عارف باللہ حضرتِ اقدس مولانا شاہ حکیم محمد اختر صاحب دامت برکاتہم