اولیاء اللہ کی پہچان |
ہم نوٹ : |
 |
ولی اللہ بنانے والے چار اعمال تعلیم فرمودہ شیخ العرب والعجم عارف باﷲ حضرتِ اقدس مولانا شاہ حکیم محمد اختر صاحب دامت برکاتہم چار اعمال ایسے ہیں کہ جو ان پر عمل کرے گا مرنے سے پہلے ان شاء اللہ تعالیٰ ولی اللہ بن کر دنیا سے جائے گا،نفس پر جبر کر کے اللہ کو خوش کرنے کے لیے جو مندرجہ ذیل اعمال کرے گا اس کو پورے دین پر عمل کرنا آسان ہوجائے گا اور وہ اللہ کا ولی ہوجائے گا۔ ۱) ایک مٹھی ڈاڑھی رکھنا بخاری شریف کی حدیث ہے: خَالِفُواالْمُشْرِکِیْنَ وَفِّرُوا اللُّحٰی وَاحْفُوا الشَّوَارِبَ وَکَانَ بْنُ عُمَرَ اِذَا حَجَّ اَوِاعْتَمَرَ قَبَضَ عَلٰی لِحْیَتِہٖ فَمَا فَضَلَ اَخَذَہٗ ترجمہ:مشرکین کی مخالفت کرو ڈاڑھیوں کو بڑھاؤ اور مونچھوں کو کٹاؤ اور حضرت ابنِ عمر جب حج یا عمرہ کرتے تھے تو اپنی ڈاڑھی کو اپنی مٹھی میں پکڑ لیتے تھے پس جو مٹھی سے زائد ہوتی تھی اس کو کاٹ دیتے تھے ۔ بخاری شریف کی دوسری حدیث ہے کہ رسول اللہ صلی اللہ علیہ وسلم نے فرمایا: اِنْھَکُوا الشَّوَارِبَ وَاعْفُوا اللُّحٰی ترجمہ:مونچھوں کو خوب باریک کتراؤ اور ڈاڑھیوں کو بڑھاؤ۔ پس ایک مٹھی ڈاڑھی رکھنا واجب ہے۔جس طرح وتر کی نماز واجب ہے ،عید الفطر کی نماز واجب ہے،بقرہ عید کی نماز واجب ہے،اسی طرح ایک مٹھی ڈاڑھی رکھنا واجب ہے اور چاروں اماموں کا اس پر اجماع ہے ،کسی امام کا اس میں اختلاف نہیں۔ علامہ شامی تحریر فرماتے ہیں: