اولیاء اللہ کی پہچان |
ہم نوٹ : |
 |
عرضِ مرتب پیشِ نظر وعظ مرشدی و مولائی شیخ العرب و العجم عارف باﷲ حضرت مولانا شاہ حکیم محمد اختر صاحب دامت برکاتہم و ادام اﷲ ظلہم کا وہ عظیم الشان وعظ ہے جو بنگلہ دیش کے شہر چاٹگام کی جامع مسجد میں ۲۶؍جمادی الثانی ۱۴۱۴ھ مطابق ۱۱؍دسمبر ۱۹۹۳ء بروز ہفتہ کو ہوا جہاں لوگ نادانی سے ہمارے اکابر سے عقیدت نہیں رکھتے تھے۔ جب حضرت نے بیان شروع فرمایا تو مسجد میں تقریباً دس ہزار کا مجمع تھا۔ حضور صلی اﷲ علیہ وسلم کی محبت اور اتباعِ سنت اور اولیاء اﷲ کی عظمت پر ایسا درد انگیز بیان ان سامعین نے کہاں سنا تھا، پورا مجمع اشکبار تھا۔ بعد میں معلوم ہوا کہ لوگ کہہ رہے تھے کہ کون کہتا ہے کہ یہ محبّ ِرسول نہیں ہیں؟یہ تو اصلی محبّ ِرسول ہیں، جو ان کا مسلک ہے وہی ہمارا مسلک ہے۔ اﷲ تعالیٰ حضرت والا کا سایۂ عاطفت ہمارے سروں پر سلامت رکھے، حضرت والا کی مساعی جمیلہ کو قبول فرمائے اور قیامت تک صدقۂ جاریہ بنائے۔ اٰمِیْنَ یَارَبَّ الْعَالَمِیْنَ بِحُرْمَۃِ سَیِّدِ الْمُرْسَلِیْنَ عَلَیْہِ الصَّلٰوۃُ وَالتَّسْلِیْمُ یکے از خدام عارف باﷲ حضرت مولانا شاہ حکیم محمد اختر صاحب دامت برکاتہم نقشِ قدم نبی کے ہیں جنت کے راستے اللہ سے ملاتے ہیں سنت کے راستے