لا زوال سلطنت |
ہم نوٹ : |
 |
حضرت یونس علیہ السلام کے بارے میں ایک تفسیری غلط فہمی کا ازالہ ایسے ہی حضرت یونس علیہ السلام کے بارے میں بعض نادان اور گستاخ اہلِ قلم نے لکھ دیا کہ وہ وحی کا انتظار کیے بغیر (نعوذ باﷲ) بے صبر ہوکر اپنا مستقر چھوڑ گئے۔ جبکہ حضرت حکیم الامت تھانوی رحمۃ اللہ علیہ نے مسائل السلوک حاشیہ بیان القرآن میں صحابہ و تابعین اور جملہ باادب مفسرین کے حوالے سے ذَہَبَ مُغَاضِبًا کی تین تفسیر کی ہے کہ وہ اپنی قوم سے خفا ہوکر چلے گئے لِاَجْلِ رَبِّہٖ اپنے رب کی خاطر حمیۃ لدینہ اپنی دینی حمیت کی وجہ سے اور اعتماداً علیٰ محبۃ ربہ اپنے رب کی محبت پر اعتماد کرتے ہوئے وحی کا انتظار کیے بغیر چل دیے۔15؎یہ ہیں باادب مفسرین۔اور بے ادب اہل قلم کو مفسر اور عالم کہنا بھی جائز نہیں۔ اس لیے کہ صحابہ پر سب سے پہلے منافقین کے طبقے نے تنقید کی تھی اور یہ کہا تھا اَنُؤۡمِنُ کَمَاۤ اٰمَنَ السُّفَہَآءُ 16 ؎ کیا ہم ایسے ہی ایمان لائیں جیسےیہ بے وقوف لوگ ایمان لائے؟ تو روئے زمین پر صحابہ کو سب سے پہلے جس نے بُرا کہا وہ منافقین کی جماعت تھی۔ اﷲ تعالیٰ نے سورۂ بقرہ میں ان کو فرمایا کہ جو لوگ نبی کے صحابہ کو بے وقوف سمجھ رہے ہیں اور تنقید کا نشانہ بنا رہے ہیں اَلَاۤ اِنَّہُمۡ ہُمُ السُّفَہَآءُ اصلی بے وقوف تو یہ لوگ ہیں۔ اور سفاہت کے معنیٰ ہیں خِفَّۃُ الْعَقْلِ وَ الْجَہْلُ بِالْاُمُوْرِ 17؎ یعنی عقل ہلکی ہو اور حقائقِ امور سے جاہل ہو۔ اصل میں یہ حقائقِ امور سے جاہل ہیں اور ہلکی عقل والے ہیں،یہ عقل کی گہرائیوں سے محروم ہیں وَلٰکِنۡ لَّایَعۡلَمُوۡنَ اور ان کو اپنی بے وقوفی کا علم بھی نہیں۔ ان کے علم پر اﷲ نے لا لگایا ہے۔ افسوس ہے اُن پر جو اِن کے ساتھ لگے ہوئے لا کو ہٹا کر علم کی نسبت اِن کی طرف کررہے ہیں،جن کے علم پر اﷲ نے لا لگایا ہے کہ یہ جاہل اور لا علم لوگ ہیں ان کو عالم کہنا ظلم ہے۔ خالی کتابیں پڑھنے سے کیا ہوتا ہے۔ _____________________________________________ 15؎مسائل السلوک حاشیہ لبیان القرآن:55/1،الانبیاء (87)،ایج ایم سعید 16؎البقرۃ:13 17؎روح المعانی:156/1،البقرۃ(13)،داراحیاء التراث،بیروت