آداب محبت |
ہم نوٹ : |
 |
آجاتا ہے اور گناہ سے مانوسیت ختم ہوتی چلی جاتی ہے اور ذرا سی غلطی سے دل میں پریشانی اور بے چینی پیدا ہوجاتی ہے، جیسے کوئی شخص جلتا ہوا سگریٹ لگا دے تو اس وقت یہ کوئی نہیں کہتا کہ ڈرو مت یہ تو چھوٹی سی چنگاری ہے بڑی آگ نہیں ہے، مگر آپ اس سے بھی ڈرتے ہیں۔ دوستو! اسی طرح گناہ چھوٹا ہو یا بڑا، اﷲ تعالیٰ کی تھوڑی ناراضگی بھی بڑی ناراضگی ہے۔ یہ اس لیے عرض کردیا کہ لوگ پوچھتے ہیں کہ یہ چھوٹا گناہ ہے یا بڑا، صغیرہ گناہ ہے یا کبیرہ؟ بتائیے! سگریٹ کی چھوٹی چنگاری کیا کم خطرناک ہے؟ بس حضرت حکیم الامت کا تین سطر کا ایک ملفوظ میری تقریر کا خلاصہ ہے۔ میری یہ ساری تقریرحضرت کےمتن کی شرح ہے۔ حضرت نے فرمایا کہ تم شریعت پر چل کر دیکھو ان شاء اﷲ سب تمہاری عزت کریں گے، جس کی بیّن دلیل یہ ہے کہ جو پکے مسلمان ہیں انگریز، ہندو پارسی وغیرہ سب ان کی عزت کرتے ہیں،تم دین پر قائم رہو ساری قومیں تمہاری غلام بن جائیں گی۔ تو حضرت حکیم الامت کا یہ ملفوظ میری ساری تقریر کا خلاصہ ہے۔ اﷲ تعالیٰ ہم سب کو عمل کی توفیق عطا فرمائے،آمین۔ اﷲ تعالیٰ عمل کی توفیق عطا فرمائے، یااﷲ! اپنی رحمت سے ہم سب کواپنی ذاتِ پاک کو راضی کرنے کی توفیق نصیب فرمادے اور اپنی ناراضگی سے بچنے کی توفیق نصیب فرمادیجیے، یااﷲ! شہوت کا نشہ ہو یا کبر کا نشہ ہو، بڑائی کا نشہ ہو یا خواہشات کا نشہ ہو ہر قسم کے نشے کو اتار کر اے اﷲ! ہم کو نفس وشیطان کی غلامی سے نکال کر اپنی سو فیصد فرماں برداری نصیب فرما دے، اے اﷲ! ہماری دنیا بھی عافیت کی بنا دیجیے اور آخرت بھی عافیت کی بنا دیجیے، ہم سب کو نسبت کا اعلیٰ سے اعلیٰ مقام عطا فرمائیے، نسبت کے تین درجے اے خدا !تیرے ایک مقبو ل بندے مولانا مسیح اﷲ خان جلال آبادی نے لاہور میں بیان فرمائے کہ بعض لوگوں کو اﷲ سے تعلق تو ہے مگر اس کا نام نسبتِ ضعیف ہے، دوسرا درجہ نسبتِ قوی اور تیسرا درجہ ہے نسبتِ اقویٰ، تو ضعیف، قوی اور اقویٰ تین درجے ہوگئے، تو میرے اﷲ اپنی رحمت سے، اپنے کریم ہونے کے صدقے میں ہم سب کی ضعیف نسبت کو قوی کردے اور جن کی نسبت قوی ہے اس کو اقویٰ کر دے یعنی جو سب سے بڑی نسبت ہے، جو اولیائے صدیقین کو عطا ہوتی ہےوہ نسبت ہمیں عطا فرمادے، آمین۔ وَاٰخِرُدَعْوَانَا اَنِ الْحَمْدُ لِلہِ رَبِّ الْعَالَمِیْنَ وَصَلَّی اللہُ تَعَالٰی عَلٰی خَیْرِ خَلْقِہٖ مُحَمَّدٍ وَّاٰلِہٖ وَصَحْبِہٖ اَجْمَعِیْنَ بِرَحْمَتِکَ یَا اَرْحَمَ الرَّاحِمِیْنَ