ماہنامہ انوار مدینہ لاہور دسمبر 2015 |
اكستان |
 |
مولانا محمد یوسف دہلوی رحمة اللہ علیہ نے اِس کتاب کی شرح ''اَمانی الاخبار فی شرح معانی الآثار'' کے نام سے عربی میں لکھنا شروع کی تھی جس کی چار جلدیں شائع ہوچکی ہیں۔ (٢) بیان مشکل الآثار : یہ مشکل الآثار کے نام سے بھی مشہور ہے اِس میں موصوف نے حدیثوں کے باہمی تعارض کو دُور کیا ہے اور اُن سے اَحکامِ دینیہ کا اِستنباط کیا ہے، یہ کتاب سات جلدوں میں ہے اور اِستنبول مکتبہ فیض اللہ میں موجود ہے اِس کی چار جلدیں دائرة المعارف النظامیہ حیدر آباد (دکن) سے ١٣٣٣ھ میں شائع ہوئی تھیں، اِس کا اِختصار فقیہ و حافظِ حدیث اَبو الولید الباجی مالکی نے کیا اور اَبوابِ فقیہ پر مرتب فرمایا پھر اَبو الولید باجی کے اِختصار کو قاضی یوسف بن موسٰی حنفی نے ''المعتصر من المختصر'' کے نام سے مزید مختصر کیا جسے مجلس دائرة المعارف حیدر آباد (دکن) نے ١٣١٧ھ میں دو جلدوں میں شائع کر دیا ہے۔ (٣) اَحکام القرآن،یہ ایک ہزارورق کی کتاب ہے (٤) کتاب الشروط الکبیر فی التوثیق،یہ بیس جلدوں میں ہے(٥) الشروط الاوسط(٦) مختصر الشروط، یہ پانچ جلدوں میں ہے اور مکتبہ شیخ الاسلام فیض اللہ میں موجود ہے (٧) مختصر الطحاوی، مجلس اِحیاء المعارف النعمانیہ حیدر آباد دکن سے شائع کی گئی تھی(٨) اَلنوادر الفقیہ،یہ دس جلدوں میں ہے(٩) کتاب النوادِر والحکایات ، یہ بیس جلدوں میں ہے(١٠) رسالة حکم أرض مکة (١١) رسالة فی قسم الفیٔ والغنائم (١٢)الرد علی کتاب المدلسین لابی علی الحسین بن علی الکرابیسی(١٣) کتاب الاشربة (١٤) الرد علی عیسی بن ابان،یہ دو جلدوں میںہے (١٥) الرد علی أبی عبید فی النسب، یہ ایک جلد میں ہے