ماہنامہ انوار مدینہ لاہور دسمبر 2015 |
اكستان |
|
وفیات ٢٩ اکتوبر کودارُالعلوم حقانیہ اَکوڑہ خٹک کے شیخ الحدیث حضرت مولانا ڈاکٹر شیر علی شاہ صاحب رحمة اللہ علیہ اِنتقال فرماگئے،اللہ تعالیٰ حضرت کی علمی اور ملی خدمات کو قبول فرمائے اور جنت الفردوس میں اعلیٰ مقام نصیب فرمائے اور اُن کے لواحقین کو صبر جمیل کی توفیق عطا فرمائے،آمین۔ ١٢نومبر کو جامعہ کے قدیم فاضل حضرت مولانا قاضی حبیب اللہ صاحب طویل علالت کے بعد ٹانک میں اِنتقال فرماگئے۔ جمعیت علماء اِسلام صوبہ خیبر پختونخواہ کے اَمیر حضرت مولانا گل نصیب خان صاحب کے والد گرامی گزشتہ ماہ دیر زیریں میں وفات پاگئے۔ ١١نومبر کو جمعیت علماء اِسلام کے سرگرم رُکن جناب بلال میر صاحب کی والدہ صاحبہ طویل علالت کے بعد لاہور میں وفات پاگئیں۔ ٥نومبر کوکریم پارک کے بھائی ندیم صاحب کی اہلیہ صاحبہ بوجہ کینسر وفات پاگئیں،اللہ تعالیٰ مرحومہ کی مغفرت فرمائے اور لواحقین کو صبر جمیل کی توفیق عطا فرمائے، آمین۔ ٢٢نومبر کو جامعہ مدنیہ جدید کے فاضل و شعبہ برقیات کے نگران مولانا محمد شاہد صاحب کے والد صاحب اچانک حرکت ِقلب بند ہونے کے باعث اوکاڑہ میں وفات پاگئے۔ جامعہ مدنیہ جدید کے سابق خادم ظہور اَحمد کے والد صاحب گزشتہ ماہ طویل علالت کے بعد وفات پاگئے، اللہ تعالیٰ مرحوم کی مغفرت فرمائے اور لواحقین کو صبر جمیل کی توفیق عطا فرمائے، آمین۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اور خانقاہِ حامدیہ میں مرحومین کے لیے اِیصالِ ثواب اور دُعائے مغفرت کرائی گئی اللہ تعالیٰ قبول فرمائے ، آمین۔ اہلِ اِدارہ جملہ پسماندگان کے غم میں برابر کے شریک ہیں۔