ماہنامہ انوار مدینہ لاہور دسمبر 2015 |
اكستان |
|
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) حَسُنَتْ جَمِیْعُ خِصَالِہ اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! (١) وَعَنْہُ ( ای عَنْ اَنَسٍ ) قَالَ لَمْ یَکُنْ رَسُوْلُ اللّٰہِ (ۖ) فَاحِشًا وَلَا لَعَّانًا وَلَا سَبَّابًا کَانَ یَقُوْلُ عِنْدَ الْمَعْتِبَةِ مَالَہ تَرِبَ جَبِیْنُہ ۔ ١ ''رسول اللہ ۖ نہ فحش گو تھے نہ لعن طعن کی عادت تھی جب خفا ہوتے تھے تو عربی کا ایک محاورہ اِستعمال فرمایا کرتے تھے (جس کا ترجمہ ہے) اِسے کیا ہوا اِس کی پیشانی خاک آلود ہو۔ '' (٢) وَعَنْ اَنَسٍ اَنَّ رَسُوْلَ اللّٰہِ ۖ کَانَ اِذَا صَافَحَ الرَّجُلَ لَمْ یَنْزِعْ یَدَہ مِنْ یَدِہ حَتّٰی یَکُوْنَ ھُوَالَّذِیْ یَنْزِعُ یَدَہ وَلَا یَصْرِفُ وَجْھَہ عَنْ وَجْھِہ حَتّٰی یَکُوْنَ ھُوَ الَّذِیْ یَصْرِفُ وَجْھَہ عَنْ وَجْھِہ وَلَمْ یُرَ مُقَدِّمًا رُکْبَتَیْہِ بَیْنَ یَدِیْ جَلِیْسٍ لَہ ۔ ٢ ''جب رسول اللہ ۖ کسی سے مصافحہ فرمایا کرتے تھے تو اپنا دست ِمبارک اُس کے ہاتھ میں سے نہ نکالتے تھے حتی کہ وہ ہی اپنا ہاتھ (ڈھیلا کردے اور) نکالے اور کبھی ایسا نہیں دیکھا گیا کہ آپ نے اپنے ساتھی کے آگے اپنے گھٹنے بڑھا رکھے ہوں۔ '' ١ بخاری شریف کتاب الادب رقم الحدیث ٦٠٤٦ ٢ مشکوة شریف رقم الحدیث ٥٨٢٤