ماہنامہ انوار مدینہ لاہور دسمبر 2015 |
اكستان |
 |
حرفِ آغاز نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّا بَعْدُ ! ١٣ نومبر کو پیرس میں خود کُش حملوں کے نتیجوں میں کم و بیش ڈیڑھ صد اَفراد مارے گئے، یہ واقعہ اپنی جگہ اَفسوس ناک ہے مگر اِس سے بھی زیادہ اَفسوس ناک اَمر یہ ہے کہ یورپ و اَمریکہ کی پوری عیسائی اور یہودی دُنیا جہاں اِس واقعہ پر سراپا اِحتجاج ہے وہاں دُوسری طرف صرف اِسلام اور مسلمانوں کو اِس کا موردِ اِلزام بھی قرار دے رہی ہے ! ! ! اللہ تعالیٰ نے حضرت محمد رسول اللہ ۖ کو جب کائنات کا آخری نبی بنا کر نیا سچا اور کامل دین دے کر بھیجا تو مشرکین کی طرح یہود ونصارٰی نے ہٹ دھرمی اِختیار کرتے ہوئے قیامت تک کے لیے آنے والے جدید دین کو مسترد کر دیا اور اپنے پرانے دین کو جو کہ اُن کی اپنی تحریفات کی وجہ سے مسخ ہوکر فرسودہ ہو چکا تھا گلے سے لگائے رکھا ۔اِسلام اپنی جدت اور ہمہ گیر کمالات کی وجہ سے سلیم الفطرت اَفراد و اَقوام کے سینوں میں اُترتا چلا گیا اور یوں بالآخر عرب و عجم کے مشرک،اَفریقہ اور شام و یمن کے عیسائی اور کچھ اِنصاف پسند یہودی بھی اِسلام کے دامن سے وابستہ ہوتے چلے گئے۔ بقیہ تنگ نظر اور باپ دادا وں کی فرسودہ رسموں کو اپنا دھرم قرار دے کر مٹے نقوش کو آج تک پیٹتے چلے آرہے ہیں ،اِس دور کی نئی سے نئی مادّی اِیجادات کرنے والے اور جدت پسندی کا دعوی کرنے والے سب کچھ کے باوجود آج تک مذہبی اِعتبار سے بے بنیاد ہی رہے،عدم برداشت کا شکار