ماہنامہ انوار مدینہ لاہور اگست 2014 |
اكستان |
|
تصویر سے متعلق ایک اور فتوٰی اَز حضرت مفتی محمو دحسن بلند شہری ( نائب مفتی دارالعلوم دیوبند) محترم المقام حضرت مفتی صاحب دامت برکاتہم اَلسلام علیکم ورحمة اﷲ وبرکاتہ سوال : دیگر عرض خدمت عالیہ اینکہ تصویر کشی اور تصویر سازی کی حرمت اَظہرمن الشمس ہے او رکسی مفتی نے اِس کی حلت کا فتویٰ آج تک نہیں دیا مگر ضرورتِ شدیدہ کی بناء پر، اِس کے باوجود بغیر کسی ضرورت کے اِس کا اِبتلائے عام ہوتا جارہا ہے، اِن نازک حالات میں ہم اِس کے خلاف آواز او رایک تحریک اُٹھانا چاہتے ہیں، شریعت کی رُو سے اِس کا کیا حکم ہے ؟ برائے مہربانی مفصل جواب عنایت فرمائیں۔ اِس سے قبل بھی 1990ء میں تحریک ِحجاب کے جواز پر یہیں سے فتوی لیا گیا جس سے بڑی کامیابی ہوئی، دُعا فرمائیں اﷲ تعالیٰ اِس تحریک میں بھی کامیابی عطا فرمائے۔ اَلعارض حکیم فضل الکریم حسینی مفتی اعظم مدنی دارُالافتائ عالمی خواتین مدنی مشن، آسام