ماہنامہ انوار مدینہ لاہور اگست 2014 |
اكستان |
|
ہم میں بالکل نہیں ہیں ، یہ کام کس کے ہیں ؟ یہ ایک دو کے بھی نہیں، یہ کام ہیں حکومت کے اور فرض ہے حکومت پر جہاد کی تیاری ، یہ اِمام کے فرائض میںہے اِمام عادِل ہو تو بھی جہاد کا جب حکم دے تو ٹھیک ہے اور اگر عادِل نہیں بھی ہے اور حکم جہاد کا دے رہا ہے تو اُس کے جھنڈے کے نیچے بھی جہاد ہوگا جہاد کیا جائے گا۔ ''تقدیر'' پر اِیمان : آقائے نامدار ۖ نے فرمایا وَالْاِیْمَانُ بِالْاَقْدَارِ ١ یہ بھی بڑا ضروری ہے تقدیر پر اِیمان۔ اور اِس سے اِنسان کو بڑا صبر ملتا ہے بڑا ثبات بڑی پائیداری اور بہت تحمل ،برداشت ،تقدیر پر اِیمان(کی برکت سے) ۔اَب تقدیر ہمیں نظر نہیں آتی مگر اِیمان کی وجہ سے ایسے ہے جیسے نظر آرہی ہو ہمیں اُس پر اِیمان رکھنا بتایا گیا ،یہ نہیں ہے کہ تمہیں نظر آجائے گا لکھا ہوا ،لکھا ہوا نظر آجائے تو پھر دارُالامتحان ہی نہ رہے اور نیک کو(اپنا اَنجام) نیک نظر آجائے تو وہ کرے ہی نہ نیکی اور برے کو(اپنے اَنجام کی ) برائی نظر آجائے کہ اَنجام برا ہوگا تووہ نیکی ہی نہ کرے کہ اَنجام تو خراب ہونا ہی ہے لہٰذاوہ تو مخفی ہیں سب چیزیں، آپ کو اپنی سمجھ کے مطابق جو اَعمال کرنے ہیں وہ آقائے نامدار ۖ نے بتلائے ہیں اُن میں یہ ایک عقیدہ ہے کہ تقدیر پر اِیمان رکھو۔ اللہ تعالیٰ ہم سب کو اپنی رضااور فضل سے دُنیا اورآخرت میں نوازے ، آمین۔ اِختتامی دُعا .... دُعائے صحت کی اَپیل جامعہ مدنیہ جدید کے معاونِ خصوصی ڈیرہ اِسماعیل خان کے حاجی غلام مصطفی صاحب کچھ عرصہ سے علیل ہیں،اُن کی اور دیگر بیماروں کی صحت یابی کے لیے قارئین سے خصوصی دُعاؤں کی درخواست ہے۔(اِدارہ) ١ مشکوہ شریف کتاب الایمان رقم الحدیث ٥٩