ماہنامہ انوار مدینہ لاہور اگست 2014 |
اكستان |
 |
بعد درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) جہاد کی ایک تاثیر آپس کا اِتفاق،بادشاہ خواہ کیسا ہو اَگر جہاد کرے تو ساتھ دینا ہوگا ''جہاد'' منسوخ کرنے کے لیے اَنگریزوں نے'' جھوٹا نبی'' بنایا سیاسی معاملات پر فتوی سیاسی بصیرت کے حامل علماء ہی دے سکتے ہیں ( کیسٹ نمبر 79 سائیڈB ، کیسٹ نمبر80 سائیڈA 29 - 11 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! آقائے نامدار ۖ نے اِرشاد فرمایا اَلْجِہَادُ مَاضٍ مُذْبَعَثَنِیَ اللّٰہُ اِلٰی اَنْ یُّقَاتِلَ اٰخِرُ ھٰذِہِ الْاُمَّةِ الدَّجَّالَ جہاد کا سلسلہ چلتا ہی رہے گا اور اِس کا حکم باقی رہے گا حتی کہ یُقَاتِلَ اٰخِرُ ھٰذِہِ الْاُمَّةِ الدَّجَّالَ اِس اُمت کا آخری حصہ دجال سے جہاد کرے گا لَا یُبْطِلُہُ جَوْرُ جَائِرٍ وَلَا عَدْلُ عَادِلٍ کوئی اگر ظالم حاکم آگیا یا عادِل آگیا دونوں صورتوں میں جہاد کا حکم قائم رہے گا۔ اِس میں آقائے نامدار ۖ نے ایسی چیز بتلائی ہے کہ اُس کی تاثیر یہ ہے کہ جب تک وہ چلتی رہتی ہے مسلمانوں میں اِتفاق رہتا ہے وہ ''جہاد '' ہے اور جہاں وہ چیز ختم ہوتی ہے تو آپس کی تفرقہ بازی اُس کی جگہ آجاتی ہے۔ اِس سے غفلت ہوئی ہے ضرور مسلمانوں سے بس جب اِس کی تیاری میں غفلت ہوئی ہے تو نقصان ہوا ہے۔ جناب ِ رسول اللہ ۖ کے بعد جہاد جاری رہا جو آپ نے شروع فرمایا تھا اور اُس میں دو