ماہنامہ انوار مدینہ لاہور اگست 2014 |
اكستان |
 |
السلام علیکم ورحمة اﷲ وبرکاتہ ! گرامی قدر محترم المقام حضرت مہتمم صاحب دامت برکاتہم بعد سلام مسنون ! اُمید ہے کہ مزاجِ گرامی بخیر وعافیت ہوں گے، ہم بھی بحمداﷲ خیریت سے ہیں، خدمت ِاَقدس میں ضروری عرض یہ ہے کہ دارُالعلوم کراچی پاکستان سے ایک فتوی بندے کے پاس ایک خط کے ساتھ آیا ہے جس میں اِس فتوی کے سلسلے میں رائے طلب کی گئی ہے ، اِس فتوی کو اچھی طرح پڑھا، تحریر میں تیزی تو بہت ہے مگر قلب منشرح نہیں،اِس قسم کا فتوی لکھنے والا عموماً نوجوانوں کا طبقہ ہے اوربندہ اَکابردیوبند کے اَفکار ونظریات کو ماننے اور چلنے کا پابند ہے، اِسی بنا پر حضرت والا کے پاس فتوی کے سارے کاغذات اِرسال ہیں اور یہ دریافت طلب ہے کہ اِس مسئلے میں دارُالعلوم دیوبند کا مؤقف کیا ہے ؟ اِس کی وضاحت فرمانے کا اُمیدوار ہوں ، دارُالافتاء اِس لیے نہیں بھیجا کہ مجھے فتوی حاصل کرنا نہیں بلکہ دارُالعلوم دیوبند کے مؤقف سے مطلع ہونا چاہتا ہوں۔ والسلام مفتی عبدالرحمن رئیس ومؤسس مرکز الفکر الاسلامی بنگلہ دیش بشوندرا، ڈھاکہ، جامعة الابرار ریور ویو، ڈھاکہ