مىرى قسمت) (ابوداؤد) ىہ مضمون تو بىچ مىں اس مسئلے کے فائدے بتلانے اور غلطىوں سے بچانے کے لئے آگىا تھا۔ اب وہ حدىثىں لکھى جاتى ہىں جن مىں اس مسئلہ کا ذکر ہے:
عن جابر بن عبد الله قال قال رسول اﷲ صلى اﷲ عليه وسلم: ((لا يؤمن عبد حتى يؤمن بالقدر خيره وشره، حتى يعلم أن ما أصابه لم يكن ليخطئه وأن ما أخطأه لم يكن ليصيبه)) رواہ الترمذى
حضرت جابر ؓ سے رواىت ہے کہ رسول اﷲ نے فرماىا تم مىں کوئى شخص مومن نہ ہوگا جب تک کہ تقدىر پر اىمان نہ لائے ، اُس کى بھلائى پر بھى اور اُس کى برائى پر بھى ىہاں تک کہ ىہ ىقىن کر لے کہ جو بات واقع ہونے والى تھى وہ اس سے ہٹنے والى نہ تھى اور جو بات اس سے ہٹنے والى تھى وہ اس پر واقع ہونے والى نہ تھى۔(ترمذى)
عن ابن عباس قال: كنت خلف رسول الله - صلى الله عليه وسلم - يوما فقال: ((يا غلام إني أعلمك كلمات احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك)) رواہ الترمذى
ابن عباسؓ سے رواىت ہے کہ مَىں نبى کے پىچھے تھا آپ نے مجھ سے فرماىا اے لڑکے! مىں تجھ کو کو چند باتىں بتلاتا ہوں ، اﷲتعالىٰ کا خىال رکھ وہ تىرى حفاظت فرماوے گا، اﷲتعالىٰ کا خىال رکھ تو اس کو اپنے سامنے (ىعنى قرىب) پاوے گا، جب تجھ کو کچھ مانگنا ہو تو اﷲتعالىٰ سے مانگ اور جب تجھ کو کچھ چاہنا ہو تو اﷲتعالىٰ سے مدد چاہ، اور ىہ ىقىن کر لے کہ تمام گروہ اگر اس بات پر متفق ہوجاوىں کہ تجھ کو کسى بات سے نفع پہنچاوىں تو تجھ کو ہرگز نفع نہىں پہنچا سکتے بجز اىسى چىز کے جو اﷲتعالىٰ نے تىرے لئے لکھ دى تھى۔ اور اگر وہ سب اس بات پر متفق ہوجاوىں کہ تجھ کو کسى بات سے ضرر پہنچاوىں تو تجھ کو ہرگز ضرر نہىں پہنچا سکتے بجز اىسى چىز کے جو اﷲتعالىٰ نے تىرے لئے لکھ دى تھى۔(ترمذى)
