ماہنامہ انوار مدینہ لاہور جولائی 2008 |
اكستان |
 |
اخبار الجامعہ ( جامعہ مدنیہ جدید محمد آباد رائیونڈ روڈ لاہور) سفر کنگن پور ضلع قصور :( از : محمد عامر اخلاق ،متعلم جامعہ مدنیہ جدید) 5 جون کو اللہ رب العزت نے بندہ عاجز پر مہربانی فرمائی کہ شیخ الحدیث حضرتِ اقدس مولانا سیّد محمود میاں صاحب دامت برکاتہم بندہ کے گاؤں کنگن پور ضلع قصور میںختم ِ قرآنِ پاک کی تقریب میں شرکت کے لیے تشریف لے گئے۔ بعد اَز نمازِ عصر حضرت مولانا سیّد محمود میاں صاحب جامعہ مدنیہ جدید سے اپنے رُفقاء کے ہمراہ کنگن پور براستہ بائی پاس چونیاں کنگن پور مدرسہ جامعہ فاروقِ اعظم کے لیے روانہ ہوئے اور رات آٹھ بجے مدرسہ فاروقِ اعظم پہنچے جہاں جامعہ فاروقِ اعظم کے مہتمم قاری محمد اشرف حامد صاحب اُن کے بیٹے مفتی محمد کفایت اللہ صاحب، حافظ محمد نعیم صاحب، مولوی محمد افضل صاحب اور دیگر حضرات حضرت کے استقبال کے لیے موجود تھے۔ حضرت نے ''سکول اور یونیورسٹیوں کی تعلیم اور دینی تعلیم میں کیا فرق ہے'' کے موضوع پر تفصیلی بیان فرمایا۔ آپ نے فرمایا کہ علم ِ نبوی ۖ ہی اصلی علم ہے اور سکول و کالج کی تعلیم ایک دُنیاوی فن ہے آج ہم اپنے اصلی مقصد کو چھوڑکر دُوسری طرف لگے ہوئے ہیں جس کی وجہ سے ہم پستی کی طرف جارہے ہیں اللہ ہم سب کو اِس پستی سے نکالے اور اپنے اَصلی مقصد کو سمجھنے اور اصلی علم یعنی علم ِ نبوی کو اِخلاص کے ساتھ سیکھنے اور اُس پر عمل کرنے کی توفیق عطاء فرمائے، آمین۔ رات کے کھانے کے بعد مقامی حضرات میں میرے والد اخلاق احمد اور بھائی امتیاز احمد، اشتیاق احمد، اِرشاد احمد، اشفاق احمد، بھائی شکیل و بھائی جنید نیز جامعہ فاروقِ اعظم کے طلباء کرام اور دیگر حضرات نے حضرت سے ملاقات کی۔ بعد اَزاں حضرت مولانا سید محمود میاں صاحب قاری محمد اشرف حامد صاحب سے رُخصت ہوکرزیر تعمیر تبلیغی مرکز کنگن پور تشریف لے گئے جہاں مرکز کے ذمّہ دار جناب حافظ نعیم صاحب سے ملاقات ہوئی۔مرکز کو دیکھ کر حضرت نے خوشی و مسرت کا اظہار کیا اور مرکز کی قبولیت کے لیے دُعاء فرمائی۔ بعد