ماہنامہ انوار مدینہ لاہور جولائی 2008 |
اكستان |
|
درس حدیث حضرت ِاقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) بدر اور حدیبیہ والے جہنم میں نہیں جائیں گے ۔ '' موت پر بیعت '' کا مطلب ہر کام اللہ کے فیصلے کے مطابق ہوتا ہے ۔ اللہ کے محبوب بندوں کا حال شیطان اِنسان پر زبردستی نہیں کرتا ( تخریج و تزئین : مولانا سیّد محمود میاں صاحب ) ( کیسٹ نمبر 56 سائیڈ A 28 - 02 - 1986 ) الحمد للّٰہ رب العالمین و الصلٰوة والسلام علٰی خیر خلقہ سیدنا و مولانا محمد وآلہ واصحابہ اجمعین امابعد ! حضرتِ حفصہ رضی اللہ تعالیٰ عنہا روایت کرتی ہیں کہ جنابِ رسول اللہ ۖ نے فرمایا اَنْ لَّایَدْخُلَ النَّارَ اِنْشَائَ اللّٰہُ اَحَد شَھِدَ بَدْرً وَّالْحُدَیْبِیَّةَ مجھے یہ اُمید ہے کہ آگ میں نہیں جائے گا کوئی بھی ایسا آدمی کہ جو بدر میں شہید ہوا ہو اور حدیبیہ میں شریک ہوا ہو ۔ حدیبیہ میں صحابۂ کرام عمرے کی نیت سے سے اِحرام باندھ کر گئے تھے رسول اللہ ۖ بھی اِحرام میں تھے تو لڑائی تو نہیں ہوئی لیکن ایسا ماحول پیدا ہوگیا تھا کہ لڑائی ہونے ہی والی ہوگئی بس ہوتے ہوتے بچ گئی اور صلح نامہ لکھ لیا گیا بجائے لڑائی کے، وہ ''حدیبیہ'' کہلاتا ہے۔ رسولِ کریم علیہ الصلٰوة والتسلیم نے جب یہ خوش خبری دی کہ مجھے یہ اُمید ہے کہ اہل ِ بدر اور اہل ِ حدیبیہ میں سے کوئی بھی آگ میں نہیں داخل ہوگا جہنم میں نہیں جائے گا۔