ماہنامہ انوار مدینہ لاہور دسمبر 2005 |
اكستان |
 |
سیاست ، تاریخ اوردیگر مفید موضوعات پر بھی عطر بیزیاں پائی جاتی ہیں جو ضخیم چار جلدوں میں پھیلی ہوئی ہیں۔ اِن ''معارف وحقائق ''کو عام فہم بنانے اور اِن کا فیض عوام تک پہنچانے کی غرض سے مخدوم محترم حضرت مولانا سیّد رشیدالدین حمیدی (سابق مہتمم جامعہ قاسمیہ مدرسہ شاہی مراد آباد )نے الگ الگ عنوانات لگا کر مکتوبات شیخ الاسلام سے حسن انتخاب کا سلسلہ ''ندائے شاہی ''میں شروع فرمایا تھا جو قسط وار کئی سال تک شائع ہو کر مکمل ہوا، اس سلسلۂ انتخاب میں مکتوبات کے چھپے ہوئے لعل وجواہرخوبصورت انداز میں اُبھر کر سامنے آگئے ہیں ۔ اب اِن ''معارف وحقائق ''کی کتابی شکل میں اشاعت انشاء اللہ مزید افادہ کا ذریعہ ہوگی ، اورعوام وخواص بآسانی اِس سے استفادہ کرسکیں گے ، انشاء اللہ تعالیٰ حضرت والا کی یہ کاوش واقعی لائق تحسین اورباعث شکریہ ہے اللہ تعالیٰ اسے قبولیت سے نوازے ، اور اس کا فیض عام فرمائے۔ آمین۔