ماہنامہ انوار مدینہ لاہور مارچ 2005 |
اكستان |
 |
گر سجدہ سہو یا سلام کے بعد نیت کی ہو تو یہ نماز قصر ہی ہوگی۔ ہاں اگر نماز کا وقت گزر جانے کے بعد نیت کرے تو اس کی نیت کا اثر اس نماز میں نہیں ہوتا۔ متفرقات : مسئلہ : نماز کاوقت ہوجائے تو ہوائی جہاز میں بھی کوشش کرکے نماز کھڑے ہو کر پڑھے اورقبلہ رُخ ہونے کا ا ہتمام کرے۔ ہوائی جہاز میں بھی اتنی جگہ ہوتی ہے کہ کھڑے ہوکر نماز پڑھ سکے اور قبلہ کارُخ عملہ سے معلوم ہو سکتا ہے۔ مسئلہ : دریا میں کشتی چل رہی ہے اور نماز کا وقت آگیا تو اسی کشتی پر نماز پڑھ لے۔ اگر کھڑے ہو کر پڑھنے میں سرگھومنے لگے تو بیٹھ کرپڑھے۔ مسئلہ : ریل پر نماز پڑھنے کا بھی یہی حکم ہے کہ چلتی ریل میں نماز پڑھنا درست ہے اور کھڑے ہو کر پڑھنا چاہیے لیکن اگر کھڑے ہو کر پڑھنے میں سرگھومے یا گرنے کا خوف ہو تو بیٹھ کر پڑھے۔ مسئلہ : نماز پڑھتے میں ریل پھر گئی اور قبلہ دوسری طرف ہوگیا تو نماز ہی میں گھوم جائے اور قبلہ کی طرف منہ کرلے۔ اگر قبلہ معلوم ہونے کے باوجود نہیں گھوما یا گھومنے کی جگہ نہیں تھی تو نماز دوبارہ پڑھے۔ البتہ اگر نماز پوری ہونے کے بعد ریل گھومنے کا علم ہوا تو نماز صحیح ہو چکی۔ مسئلہ : اگر کسی کی نمازیں سفر میں قضا ہو گئیں تو گھر پہنچ کر بھی ظہر، عصر، عشاء کی دو ہی رکعتیں قضا پڑھے اور اگر سفر سے پہلے ظہر کی نماز قضا ہوگئی تو سفر کی حالت میں چار رکعتیں اس کی قضا پڑھے۔(جاری ہے) حضر ت مولانا سید محمود میاں صاحب مہتمم جامعہ مدنیہ جدیدہر انگریزی مہینے کے پہلے ہفتہ کوعصر کی نماز کے بعد بمقام 537-Aفیصل ٹائون نزد جناح ہسپتال مستورات کو حدیث شریف کا درس دیتے ہیں۔ خواتین کو شرکت کی عام دعوت ہے۔(ادارہ)