ماہنامہ انوار مدینہ لاہور مئی 2017 |
اكستان |
|
حرف آغاز سید محمود میاں مدیر محترم حضرت مولانا سیّد محمود میاں صاحب مدظلہم ان دنوںعمرہ کی ادائیگی کے لیے حجازِ مقدس کے سفر پر ہیں اِس لیے اِس ماہ کا اِداریہ حضرت مولانا نعیم الدین صاحب مدظلہم نے تحریر فرمایا ہے ۔(ادارہ) نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّا بَعْدُ ! تقریبًا ساڑھے آٹھ سو سال بر صغیر پاک و ہند کے مختلف حصوں یا پورے ہندوستان پر مسلمانوں کی حکومت رہی ، یہ تو حتمی طور پر نہیں کہا جا سکتا کہ مسلمانوں کی حکومت مکمل طور پر اسلامی طرز پر تھی مگر اتنی بات طے ہے کہ مسلمان حکمرانوں کو اُس دور میں اسلامی احکام اپنی قوت و اختیار سے نافذ کرنے اور جاری کرنے کی پوری طاقت حاصل تھی اور تمام تر عدالتی فیصلے فقہ حنفی کی روشنی میں اسلامی تعلیمات کے مطابق ہوتے تھے۔ مغلیہ سلطنت کے زوال اورانگریزی استعمار کے ہندوستان میں پنجے گاڑنے کے بعد اسلامی شان و شوکت، اسلامی تہذیب و تمدن اور شخصی آزادی سلب ہونے لگی تو آزادیِ وطن اور اسلامی تہذیب و تمدن اور شان و شوکت کو بحال کرنے کی چار مرتبہ منظم جدو جہد کی گئی : (١) حضرت سیّد احمد شہید اور حضرت شاہ اسماعیل شہید کی زیر قیادت پہلی کوشش کی گئی جو اِن حضرات کی بالاکوٹ کے مقام پر شہادت (٢٤ ذوالقعدہ ١٢٤٦ھ/ مئی ١٨٣١ئ)پر ختم ہوئی۔ ( ٢ ) دوسری تحریک ١٨٥٧ء کی تحریکِ آزادی ہے اس تحریک میںاکابر علمائِ دیوبند سیّد الطائفہ