ماہنامہ انوار مدینہ لاہور مئی 2017 |
اكستان |
 |
میں اُستاذ الحدیث حضرت مولانا محمدحسن صاحب مدظلہم نے دورۂ صرف ونحو کا آغاز کیا، ملک کے چاروں صوبوں سے آنے والے طلباء نے بڑی تعداد میں شرکت کی،٢جون کو دورہ کا اِختتام ہوگا، اللہ تعالیٰ قبول فرمائے،آمین۔ یکم شعبان المعظم١٤٣٨ھ /٢٩اپریل ٢٠١٧ء بروز ہفتہ سے جامعہ مدنیہ جدید میں علماء و طلباء کے لیے جامعہ کے فاضل مولانا ذیشان صاحب چشتی کی زیر نگرانی''21 روزہ کمپیوٹر کورس'' کا آغاز ہوا جس میں ملک کے چاروں صوبوں سے آنے والے طلباء نے شرکت کی،اللہ تعالیٰ قبول فرمائے۔ ----------بقیہ : اسلام اور فریضہ تبلیغ پہلے گورنروں اور قدیم وائسرائیوں کا حکم آخری گورنر اور آخری وائسرائے کے زمانہ میں منسوخ ہوجاتا ہے اور اس آخری گور نر اور آخری وائسرائے کے حکم سے سرتابی کرنے والا امپائر (شہنشاہیت) کا باغی شمار کیا جاتا ہے اگرچہ وہ گزشتہ گورنروں کی تابعداری کا دم بھرتا ہو اِسی طرح نبی آخر الزماں کے آنے کے بعد پہلے پیغمبروں کے تمام احکام منسوخ ہوں گے اس کے حکم سے سرتابی کرنے والا خداوندی باغی اور مجرم قرار دیا جائے گا اگرچہ وہ دعوی کرتا ہو کہ میں خداوندی پرانے پیغمبر کا تابعدار ہوں، لہٰذا مسلمان چونکہ اس پیغمبر آخر الزماں کے تابعدار ہیں اس لیے حقیقی اصلاح اور واقعی شفاء فقط ان کے پاس ہے ان کا فریضہ تمام اقوام سے بہت زیادہ بڑھا ہوا ہے کہ وہ اقوام ِ عالم اور تمام بنی نوعِ انسانی کی اصلاح اور شفا میں سب سے زیادہ اسی طرح کوشش کریں جس طرح اس ڈاکٹر اور حکیم کاسب حکیموں سے قوی فریضہ ہوتا ہے جوکہ یقینی طور پر جانتا ہے کہ اِس زمانہ میں موجودہ امراض میں صرف میری ہی دوا نفع دینے والی ہے دوسرے ڈاکٹروں اور حکیموں کی دوائیں ان امراض کے لیے شفا بخش نہیں۔ (جاری ہے)