غم تقوی اور انعام ولایت |
ہم نوٹ : |
|
اس وعظ کا تعارف اللہ تعالیٰ نے ہر مسلمان پر تقویٰ اختیار کرنا فرض کیا ہے۔ تقویٰ نام ہے ہر وقت گناہوں سے بچنے کا۔ بعض گناہ ایسے ہیں کہ ان سے بچنے پر شدید تکلیف ہوتی ہے جیسے حسین شکلوں سے نظر بچانا، جس سے دل کو تکلیف ہوتی ہے۔ لیکن اس تکلیف کے بدلے میں اللہ تعالیٰ نے انعام بھی اتنا عظیم الشان رکھا ہے جس کو کوئی بدل نہیں۔ وہ انعام ایمان کی حلاوت کا حصول ہے۔ شیخ العرب والعجم عارف باللہ مجددِ زمانہ حضرت اقدس مولانا شاہ حکیم محمد اختر صاحب رحمۃ اللہ علیہ اپنے وعظ ’’غم تقویٰ اور انعام ولایت‘‘ میں ارشاد فرماتے ہیں کہ دل میں کسی گناہ کا خیال لانا تو برا ہےلیکن آنا برا نہیں بس اس کو دل میں ٹھہرنے نہ دیں، اس میں مشغول نہ ہوں اور اس کے تقاضے پر عمل نہ کریں۔ اللہ تعالیٰ تقویٰ کی راہ سے ہی ملتا ہے لہٰذا گناہوں سے بچنا اولیائے کرام کی روحانی غذا ہے اور اس غذا کے حصول کے لیے اہل تقویٰ کا ہاتھ تھاما جاتا ہے۔ ان کی صحبت کے بغیر حصول تقویٰ کا خیال بھی محال ہے۔