اولیاء اللہ کی پہچان |
ہم نوٹ : |
 |
خلاف ہے یا نہیں؟ حضور صلی اللہ تعالیٰ علیہ وسلم کا کیا حکم ہے ؟ مشکوٰۃشریف کی روایت کے مطابق مسجد میں داخل ہونے کی پانچ سنتیں ہیں جن کا علم کم لوگوں کو ہے :نمبر ۱۔ بِسْمِ اللہْ پڑھو۔ نمبر ۲۔ حضور صلی اللہ تعالیٰ علیہ وسلم پر درود شریف پڑھو۔ خود حضور صلی اللہ تعالیٰ علیہ وسلم جب مسجد میں قدم رکھتے تھے تو بِسْمِ اللہْ بھی پڑھتے تھے اور اپنے اوپر خود درود پڑھتے تھے۔ پیغمبر کو بھی یہ حکم ہے کہ اپنے اوپر درود بھیجیے یٰۤاَیُّہَا الَّذِیۡنَ اٰمَنُوْا میں نبی بھی داخل ہے۔ لہٰذا مسجد میں داخل ہونے کی دوسری سنت کیا ہے؟ حضور صلی اللہ تعالیٰ علیہ وسلم پر ان الفاظ سے درور شریف پڑھیے: اَلصَّلٰوۃُ وَالسَّلَا مُ عَلٰی رَسُوْلِ اللہِ اس کا مطلب یہ ہے کہ اور سلام نازل ہو ہمارے پیارے رسول اللہ صلی اللہ تعالیٰ علیہ وسلم پر، اس کے بعد داہنا پیر مسجد میں رکھو اور یہ دعا پڑھو اَللّٰھُمَّ افْتَحْ لِیْ اَبْوَابَ رَحْمَتِکَ اے اللہ! آپ ہمارے لیے رحمت کے دروازے کھول دیں،اس کے بعد اعتکاف کی نیت کرلو کہ یا اللہ! جب تک ہم مسجد میں ہیں سنتِ اعتکاف کی نیت کرتے ہیں۔ جب مسجد سے نکلنا ہو تو پہلے بایاں پیر نکالیے اور پھر پڑھیے اَلصَّلٰوۃُ وَالسَّلَا مُ عَلٰی رَسُوْلِ اللہِ اور بایاں پیرنکال کر یہ دعا پڑھیے اَللّٰہُمَّ اِنِّیْ اَسْئَلُکَ مِنْ فَضْلِکَ 3؎ اے اللہ! میں آپ سے سوال کرتا ہوں آپ کی مہربانی کااور آپ سے روزی مانگتا ہوں، یہاں فضل کے معنیٰ روزی کے ہیں چناں چہ جمعہ سے متعلق اﷲ تعالیٰ کا فرمان ہے کہ جب نمازِ جمعہ ہوجائے تو فَانۡتَشِرُوۡا فِی الۡاَرۡضِ وَ ابۡتَغُوۡا مِنۡ فَضۡلِ اللہِ 4؎ اب زمین میں پھیل جاؤ اور اﷲ کا رزق تلاش کرو۔ جمعہ کی اذان کے بعد خریدوفروخت سب حرام ہے، یہ حکم صرف جمعہ کی اذان کاہے باقی دنوں کی اذان کایہ حکم نہیں ہے لیکن جمعہ کی اذان کا حکم ہے کہ اگر کسی نے کیلا اٹھا یا کہ لاؤ ایک درجن دے دو لیکن جمعہ کی اذان کی آواز آگئی تو کیلا رکھ دے اور اس کا پیسہ واپس کر دے، اب اگر بیع وشراء کرتا ہے تو حرام ہے اور نمازِ جمعہ کے بعد یہاں فَانۡتَشِرُوۡا کا امر اباحت کے لیے ہے، واجب نہیں ہے یعنی نمازِ جمعہ کے بعد روزی تلاش کرنا مباح ہے واجب نہیں ہے کہ ہر شخص روزی کی تلاش میں نکل جائے ۔ تفسیر روح المعانی میں علامہ آلوسی رحمۃ اللہ علیہ السیدمحمود بغدادی مفتی بغداد جو _____________________________________________ 5؎الصحیح لمسلم:248/1،باب مایقول اذادخل المسجد،ایج ایم سعید 4؎الجمعۃ : 10