صبر اور مقام صدیقین |
ہم نوٹ : |
 |
تھے کہ تُو کہاں آرہا ہےمنحوس! تجھ کو پالنا بھی جائز نہیں۔تفسیر روح المعانی میں ہے کہ اللہ تعالیٰ نےاس کو زبان دے دی۔اس نے کہا میں کتّا تو ہوں لیکن مجھے عام کتوں کی طرح نہ سمجھیے،میں آپ کی حفاظت کروں گا۔علامہ آلوسی لکھتے ہیں کہ اس کا نام قِطْمِیْرْ ہے اور ان اولیاءاللہ کی برکت سےوہ بھی جنت میں جائے گا۔علامہ آلوسی رحمۃ اللہ علیہ فرماتے ہیں کہ اللہ والوں کی صحبت کی تاثیرتو دیکھو کہ کتّا جیسا نجس جانور جس کا لعاب دہن پیشاب کے برابر ناپاک،اس ناپاک کو بھی اللہ تعالیٰ پاک کرکے جنت میں بھیج دیں گے۔ یہ ہے صحبتِ اہل اللہ،جس کی بعض نادان اپنے تکبر کی وجہ سےحقارت بیان کرتے ہیں کہ اللہ والوں کی صحبت سے کچھ نہیں ہوتا۔دیکھ لو اصحابِ کہف کو۔ قرآنِ پاک ناطق ہے اس منطوق کا،اس مفہوم کا جو میں نے پیش کیا کہ اصحابِ کہف کی برکت سے وہ کتا جنت میں جائے گا۔ اللہ تعالیٰ نے فرمایا کہ اصحابِ کہف میرے اولیاء تھےاوران کو چوں کہ کئی سو برس تک سلانا تھا تو ان کوکروٹ کون دیتاتھا؟ فرماتے ہیں وَّنُقَلِّبُہُمۡ ذَاتَ الۡیَمِیۡنِ وَ ذَاتَ الشِّمَالِ 8؎ ہم خود اپنی رحمت سے ان کو دائیں بائیں کروٹ دیا کرتے تھے۔ جیسے ماں اپنے بچے پر رحم کرتی ہے تاکہ زمین پر لگنے سے ان کی کھالیں زخمی نہ ہوجائیں۔یہ اللہ تعالیٰ کا کرم دیکھو۔ جو لوگ ڈرتے ہیں کہ اگر ہم اللہ والے ہوجائیں گے،اگر ہم داڑھی رکھ لیں گے،اگر ہم خاندان کی رسومات شادی بیاہ میں اور ناچ گانےمیں شرکت نہیں کریں گےتو ہمیں کون پوچھے گا،ہم معاشرےسے کٹ جائیں گے،سوسائٹی ہمیں نہیں پوچھے گی تو ہمارا کیا ہوگا؟ میں کہتا ہوں کہ وہی ہوگا جو اصحابِ کہف کےساتھ ہوا۔ اللہ تعالیٰ تمہاری حفاظت فرمائیں گے۔وہ اپنےاولیاء کو دوسروں کے حوالے نہیں کردیتے کہ جاؤ! تم ہمارے دوست تو ہو لیکن ہمیں تمہاری پروا نہیں ہے۔آہ! اللہ تعالیٰ بہت پروا کرتے ہیں اور واہ واہ بھی دلاتے ہیں، ہر طرف عزت دیتے ہیں دنیا میں بھی آخرت میں بھی۔ اللہ تعالیٰ کے امتحان کا پہلا پرچہ تواللہ تعالیٰ امتحان سےآگاہ فرمارہے ہیں وَ لَنَبۡلُوَنَّکُمۡ بِشَیۡءٍ مِّنَ الۡخَوۡفِ تمہیں ضرور ضرور آزمائیں گے اور اس آزمایش اورامتحان کا پہلاپرچہ خوف ہےیعنی خوف میں _____________________________________________ 8؎الکہف:18