ماہنامہ انوار مدینہ لاہور جون 2015 |
اكستان |
 |
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) صحابہ پوری اُمت کے اُستاد ۔ اُستاد کی بے اَدبی کا وبال ! ! اِجمالی اِیمان نجات کے لیے کافی ہے ۔ ''قبر ''پہلی منزل نظریہ اِرتقاء غلط مفروضہ ۔ نزع کے وقت ''تلقین ''کا طریقہ (کیسٹ نمبر84 سائیڈB 07 - 02 - 1988 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! یہ جو تقدیر کے متعلق مسائل چل رہے تھے اُن میں یہ تو منع آیا ہے کہ بحث کی جائے زیادہ اُ لجھا جائے بس اُس پر اِیمان بتلایا گیا ہے اور تقدیر کا مطلب یوں سمجھ لیجئے کہ گویا اللہ تعالیٰ کے علمِ کامِل کا یقین دِلانا مقصود ہے، یہ بتلانا مقصود ہے کہ یہ نہیں ہے کہ حق تعالیٰ کو آج معلوم ہے اور کل کا معلوم نہیں بلکہ اُس کا علم کامِل ہے، جو گزرا وہ بھی اور جو آئندہ آئے گاوہ بھی۔اِس کے متعلق حضرت حسن بصری رحمة اللہ علیہ نے ایک خط لکھا حضرت حسن رضی اللہ عنہ کے نام، اُن سے اِس مسئلہ کے بارے میں دریافت کیا، اُنہوں نے بہت عمدہ جواب دیا ہے اِس کتاب مشکوة کی شرح ہے مُلا علی قاری رحمة اللہ علیہ کی'' مرقاة ''اُس میں اُنہوں نے دیا ہے۔ ١ ١ گزشتہ ماہ کے جریدہ میں یہ خط شائع ہو چکا ہے۔مرتب