Deobandi Books

مولانا سے میں نے اُن کی عمر کے بارے میں خود دَریافت کیا اَور یہ بھی معلوم کیا کہ آپ سے حضرت حاجی صاحب رحمة اللہ علیہ عمر میں بڑے تھے یا آپ  ؟  اُنہوں نے فرمایا کہ حاجی صاحب مجھ سے کم اَز کم دس یا بارہ تیرہ سال بڑے تھے لیکن خود اپنی موجودہ عمر جو مولانا موصوف بتلاتے تھے اُس حساب سے حضرت حاجی صاحب رحمہ اللہ تعالیٰ کی عمر مبارک مولانا سے چھوٹی بنتی تھی۔ مولانا کی بتلائی ہوئی عمر اُس وقت چٹان میں چھپی تھی۔ اُس سے اَگلے سال پھر چٹان میں موصوف کے بارے میں مضمون چھپا۔ اُس میں ایک سال نہیں بلکہ کئی سال عمر زیادہ چھپی۔ نیز حضرت مولانا خیر محمد صاحب  رحمة اللہ علیہ اَور تمام اَکابر مشائخ دیو بند کے متوسلین کی رائے موصوف کے بالکل خلاف تھی اِس لیے مجھے حضرت بنوری رحمة اللہ علیہ کی تعریف عجیب سی لگی، ساتھ ہی یہ نئی بات علم میں آئی کہ مولانا مرحوم کے موصوف سے قدیم جدی تعلقات بھی نکل آئے۔ اِس لیے مناسب معلوم ہوا کہ مولانا سے اپنے شکوک ذکر کروں۔ میں نے کہا کہ اُن کا معمر ہونا کوئی ایسی بات نہیں جس کا اِنکار کیا جائے اِسی طرح اُن کا  حضرت حاجی اِمداد اللہ صاحب رحمة اللہ علیہ سے بیعت ہونا بعید نہیں ہے کیونکہ حضرت حاجی صاحب رحمة اللہ علیہ کی وفات ١٣١٧ ہجری میں ہوئی ہے۔ مراد آباد میں جناب مرزا حسن یار بیگ  ١  صاحب رحمةاللہ علیہ فرماتے تھے کہ وفات کے    ١  مراد آباد میں ١٨٥٧ء سے یا اِس سے پہلے سے مغل خاندان آباد ہے اُس محلہ کا نام مغلپورہ ہے، مرزا صاحب اُس خاندان میں گوہرِ بے مثل تھے پہلے یہ حال تھا کہ مصنوعی اَنگریز تھے اَنگریزی میں گفتگو کے حد درجہ شوقین تھے۔ فرماتے تھے کہ اَنگریزوں کے ساتھ کھیل وغیرہ کے موقع پر میں موازنہ کیا کرتا تھا کہ میں اُن سے زیادہ روانی سے اَنگریزی بول سکتا ہوں یا نہیں؟ میں اُن سے زیادہ رَوانی سے بولتا تھا۔ بعد میں حضرت مدنی رحمة اللہ علیہ سے بیعت ہو گئے پھر تاحیات اِتباع ِ سنت ہی نقطۂ نظر اَور محبوب ترین مشغلہ بنا رہا۔ سر سے پاؤں تک لباس، چپل اَور ہاتھ کی چھوٹی لاٹھی سب ہی علماء سے تحقیق کر کے اُسی طرح کی بنائیں جو سنت ِ رسول  ۖ  سے ثابت ہوئیں۔ وہ مجسمۂ اِتباع ِ سنت تھے اپنی خاندانی مسجد آباد کی اَور خود ہی پانچوں وقت نماز پڑھانے لگے۔ اَنگریزی اَثرات سے بھی دُشمنی ہو گئی۔ میں نے اُن کی زبان سے کبھی کوئی لفظ اَنگریز ی کا نہیں سنا۔ رحمہ اللہ تعالیٰ۔ (باقی حاشیہ اَگلے صفحہ)