ماہنامہ انوار مدینہ لاہور فروری 2009 |
اكستان |
 |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٤ جنوری کو حضرت مولانا سیّد محمودمیاں صاحب نے جامعہ کے تمام اساتذہ ٔ کرام کی دعوت کی۔ ٨جنوری کوجامعہ مدنیہ جدید کے تقریباً ٥٠٠طلباء نے ١٠ محرم الحرام کا روزہ رکھا،بحمداللہ۔ ١٣ جنوری کو جامعہ مدنیہ جدید کے فاضل مولانا فرحان صاحب کینیڈا سے تشریف لائے اور حضرت مولانا سیّد محمود میاں صاحب سے ملاقات کی۔ ١٤ جنوری کو حضرت مولانا حسن صاحب مدرس جامعہ مدنیہ جدید حج سے بخیریت واپس تشریف لے آئے،والحمد للہ۔ اللہ تعالیٰ سب کا حج اور دُعائیں قبول فرمائے، آمین۔ ٢٣ جنوری کو حضرت مولانا سیّد محمود میاں صاحب جامعہ مدنیہ قدیم کے فاضل مولانا فلک شیر صاحب اور اُن کے بھائی شعیب صاحب کی دعوت پر مدرسہ کے سنگ ِ بنیاد اور افتتاح ِ جمعة المبارک کے لیے منڈی بہاؤالدین تشریف لے گئے اور رات ٩ بجے بخیریت واپسی ہوئی۔ ٢٨ جنوری کو بعد نماز ِعصر شیخ الحدیث حضرت مولانا سید محمود میاں صاحب نے مدرسہ اُم سلمہ للبنات واقع شام نگر میں خواتین کو'' ماہِ صفر سے متعلق نحوست کے عقیدہ کی تردید''پردرس حدیث دیا۔ رئین انوارِمدینہ کی خدمت میں اپیل ماہنامہ انوارِ مدینہ کے ممبر حضرات جن کو مستقل طورپر رسالہ ارسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ انوارِ مدینہ ایک دینی رسالہ ہے جو ایک دینی ادارہ سے وابستہ ہے اس کا فائدہ طرفین کا فائدہ ہے اور اس کا نقصان طرفین کا نقصان ہے اس لیے آپ سے گزارش ہے کہ اس رسالہ کی سرپرستی فرماتے ہوئے اپنا چندہ بھی ارسال فرمادیں اوردیگر احباب کوبھی اس کی خریداری کی طرف متوجہ فرمائیں تاکہ جہاں اس سے ادارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)