ماہنامہ انوار مدینہ لاہور جولائی 2008 |
اكستان |
 |
اعتبار شخص اطمینان دلائے تو میں تمہارے قرض کے لیے کچھ کرتا ہوں تاکہ تمہیں بینک کے سودی قرض سے نجات مل جائے ''۔یہ نوجوان کہنے لگا کہ میں نے کچھ حضرات کا نام لیا اور اُن میں آپ کا ذکر کیا تو وہ آپ لوگوں کو جانتے تھے ۔ وہ کہنے لگے اگریہ تمہارے بارے میں تسلی کرادیں تو ٹھیک ہے اِس لیے بھی میں آپ کے پاس آیا ہوں ۔میں نے کہا کہ ٹھیک ہے تم اُن سے میری بات کرادینا وہ نوجوان مجھ سے رُخصت ہو کر چلا گیا کچھ دیر بعد اُس نوجوان نے میری بات اُن صاحب سے کرادی ،میں نے اُن کو اطمینان دلایا اور اِس کارِ خیر پر بہت بڑے اَجر وثواب کی اُمید دلائی، خداکرے کہ یہ عمل مکمل ہو جائے اور یہ نوجوان سودی قرض کے بوجھ سے آزاد ہو جائے۔ یہ تو ایک نوجوان کا واقعہ ہے لیکن ہمارے ملک میں ہزاروں نہیں بلکہ لاکھوں افراد بے روزگاری سے تنگ آ کر حکومت اور بینکوں کی دِلفریب پیشکشوں کے جھانسے میں مبتلا ہو جاتے ہیں اور پہلے سے بھی زیادہ سنگین صورتِ حال سے دوچار ہو جاتے ہیں۔ملک میں رائج سرمایہ دارانہ نظام اِنہیں معاشی طور پر پنپنے نہیں دیتااور تمام عمر وہ سسک سسک کر گزار دیتے ہیں اور ہر آنے والا دن اُن پر پچھلے دن سے زیادہ بھاری ہو تاہے ، بالآخر جب وہ بالکل لاچار ہو جاتے ہیں تو خود دُشمنی پر اُترآتے ہیںاپنا قتل کرڈالتے ہیں یا اپنے اعضاء کا قتل کرڈالتے ہیں۔ خودکُشی اوراعضاء کُشی کے واقعات ہمارے ملک میں دن بدن بڑھتے ہی چلے جارہے ہیں ،اعضاء کُشی اور اعضاء فروشی ایک کاروبار کی شکل اختیار کرتا چلا جارہا ہے اور دُوسری طرف ملک کا بااَثر طبقہ کڑوڑوں اور اَربوںروپوںکے قرضے معاف کرارہاہے۔ملک میں تقسیمِ دولت کی بے انصافی اگر اِسی طرح بے لگام ہوتی رہی تو وہ دن دُور نہیں کہ طبقاتی نفرت ایک خطرناک طوفان کی شکل اختیار کر جائے اور اِس کا رُخ مراعات یافتہ طبقہ کی طرف ہو کر سب کچھ بہا لے جائے ۔اس صورتِ حال سے بچنے کا واحد راستہ اسلام کا عادلانہ اور غیر سودی نظامِ معیشت ہے جس کو اپنا کر ہی سرمایہ کی گردش کی رفتاربھی بڑھائی جاسکتی ہے اور ہر طبقہ کو اُس کی منصفانہ تقسیم سے حصہ بھی دِلایا جا سکتا ہے ۔ وماعلینا الاالبلاغ