علامات ولایت |
ہم نوٹ : |
 |
نہیں۔ اﷲ تعالیٰ فرماتے ہیں اِنۡ اَوۡلِیَآؤُہٗۤ اِلَّا الۡمُتَّقُوۡنَ 1؎ ہمارے ولی تو وہی ہیں جو گناہوں سے بچتے ہیں۔ لہٰذا اللہ تعالیٰ کو ناراض کرنے والا ان کا ولی بننے کا خواب کیسے دیکھ سکتا ہے؟ جو ابّا کو ناراض کرتا ہے اور کہتا ہے کہ میں تو بڑا لائق بیٹا ہوں تو کیا لائق بیٹے ایسے ہی ہوتے ہیں؟ کسی سے غلطی تو ہوسکتی ہے، ہم یہ نہیں کہتے کہ ولی اﷲ بالکل معصوم ہوتے ہیں، لیکن اگر کبھی خطا ہوجائے تو فوراً دو رکعات توبہ پڑھ کر اللہ تعالیٰ سے اتنا رو تے ہیں کہ وہ خطا سببِ عطا ہو جاتی ہے، اللہ کو رحم آنے لگتا ہے۔ قبولیتِ توبہ کی علامت ایک صاحب نے پوچھا کہ توبہ کرتے وقت کتنا روئیں؟ کیا قبولیتِ توبہ کی کوئی علامت ہے؟ میں نے کہا کہ بالکل ہے، جب اشکبار آنکھوں سے زیادہ روؤ گے تو دل میں ٹھنڈک آجائے گی، یہی علامتِ قبولیتِ توبہ ہے، کیوں کہ گناہ سے آگ لگتی ہے اور جب آگ بجھانے والی رحمت کا نزول ہوگیا تو دل میں ٹھنڈک آجائے گی بلکہ آواز آنے لگے گی کہ بس اب زیادہ نہ روؤ ورنہ بیمار ہو جاؤ گے، سر میں درد ہو جائے گا۔ اور جو آواز آئے گی اس میں حروف نہیں ہوں گے، اللہ تعالیٰ کی آواز حروف سے بے نیاز ہے۔ مولانا شاہ محمد احمد صاحب رحمۃ اللہ علیہ نے اسی کو فرمایا تھا کہ ؎ اب نہ پہنچے اُن کو مجھ سے کوئی غم اے میرے اشکِ ندامت! اب تو تھم جب زیادہ رونا آئے تو دل میں ٹھنڈک آجاتی ہے، بس پھر زیادہ مت روؤ ورنہ بیمار پڑ جاؤ گے۔ حلاوتِ ایمانی پر حسنِ خاتمہ کا وعدہ حکیم الامّت حضرت تھانوی رحمۃ اللہ علیہ کا جملہ ہے کہ عبادت کی کثرت کم کرو اور اہل اللہ کی صحبت میں زیادہ رہو کیوں کہ ابلیس نے عبادت بہت کی تھی مگر صحبتِ اہل اللہ سے _____________________________________________ 1؎الانفال:34