علامات ولایت |
ہم نوٹ : |
 |
جب کوہِ طور کی ظاہری سطح پر اللہ تعالیٰ کی تجلی نازل ہوئی تو طورپہاڑ ٹکڑے ٹکڑے ہوگیا تاکہ اﷲ کے انوار میرے اندر بھی آجائیں۔ میرے شیخ شاہ عبد الغنی پھولپوری رحمۃ اللہ علیہ تلاوت کرتے وقت یہ پڑھتے تھے ؎ آجا میری آنکھوں میں،سما جا میرے دل میں حلاوتِ ایمانی کی پانچویں علامت اَلرِّضَا بِالْقَضَاءِ فِیْ جَمِیْعِ الْحَالَاتِ 15؎ بندہ ہر حالت میں اللہ سے راضی رہے۔ اسے یہ یقین ہو کہ اس میں ضرور اللہ کی کوئی حکمت ہے۔ دیکھو! اگر غم خراب چیز ہوتی تواللہ تعالیٰ اپنے پیاروں کو غم نہ دیتا۔ حضرت یونس علیہ السلام کو معراج مچھلی کے پیٹ میں عطا فرمائی، اس وقت حضرت یونس علیہ السلام تین اندھیروں میں تھے، رات کا اندھیرا، پانی کے اندر کا اندھیرا اور مچھلی کے پیٹ کا اندھیرا وَنَادٰی فِی الظُّلُمٰتِ ۔ ظُلُمَاتْ جمع ہے ظُلْم کی اور عربی کی جمع تین سے شروع ہوتی ہے، لہٰذا لفظ ظُلُمٰتْ کے لیے کم از کم تین اندھیرے لازمی ہیں۔ علامہ آلوسی رحمۃ اللہ علیہ تفسیر روح المعانی میں لکھتے ہیں کہ اللہ تعالیٰ نے مچھلی کو حکم دیا کہ اے مچھلی! میرا یہ پیغمبر تیری غذا نہیں ہے، اس کو پیسنا مت، اللہ میاں نے مچھلی کے معدہ کی چکی روک دی۔ آہ! مچھلی کے پیٹ میں کیا قدرت ِقاہرہ کا ظہور ہوا۔ اور اللہ تعالیٰ نے سمندر کی تہہ میں موجود کنکریوں کو حکم دیا کہ تم لَّاۤ اِلٰہَ اِلَّاۤ اَنۡتَ سُبۡحٰنَکَ اِنِّیۡ کُنۡتُ مِنَ الظّٰلِمِیۡنَ 16؎ پڑھو پھر اس مچھلی کو حکم دیا کہ سمندر کی تہہ میں جہاں کنکریاں تسبیح پڑھ رہی ہیں وہاں جاکے بیٹھ جاؤ، جب کنکریوں کی آواز حضرت یونس علیہ السلام کے کانوں میں گئی تو حضرت یونس علیہ السلام سمجھ گئے کہ اللہ تعالیٰ کی منشا یہی ہے اور ان شاء اﷲ میں اس وظیفہ سے نجات پاؤں گا، چناں چہ انہوں نے یہی وظیفہ پڑھا اور اللہ پاک نے فرمایا کہ میں قیامت تک اپنے بندوں کو اسی وظیفہ کی برکت سے نجات دیتا رہوں گا۔ لہٰذا جو شخص کسی غم میں مبتلا ہو وہ اوّل آخر گیارہ بار _____________________________________________ 15؎مرقاۃ المفاتیح:74/1، کتاب الایمان ، مکتبۃ امدادیۃ، ملتان 16؎الانبیآء :87