علامات ولایت |
ہم نوٹ : |
 |
میں نے ایک جعلی پیرکا فرضی قصہ سنایا تھا کہ اس نے مریدوں کی آگہی کے لیے اپنے آستانہ کے باہر ایک بورڈ لگا رکھا تھا جس کا مضمون میں نے اپنے ایک شعر میں پیش کیا ہے کہ ؎ بغل میں تو اگر مرغا نہ لایا برابر ہے کہ تو آیا نہ آیا مگر یہ حال جعلی پیروں کا ہے، اللہ والے اس سے مستثنیٰ ہیں، اللہ والے تو اپنی جان و مال سب کچھ اللہ تعالیٰ پر فدا کرتے ہیں۔ بدنظری ایمان کی مٹھاس ختم کردیتی ہے تو نظر بچانے سےاور اللہ والوں کی محبت سے حلاوتِ ایمانی عطا ہوتی ہے۔ ایک روایت کنز العمال کی ہے اور دوسری بخاری شریف کی ہے، نظر بچانے پر حلاوتِ ایمانی کا وعدہ کنز العمال کی روایت ہے۔ آج کل ڈاکٹر لوگ کہتے ہیں کہ انفیکشن سے بچو، انفیکشن یعنی زہریلا مادّہ پیدا ہوگیا تو قے دست شروع ہوگئے، ہیضہ پھیل گیا تو انفیکشن سے بچتے ہیں یانہیں؟ اللہ تعالیٰ نے ہمیں بذریعہ جناب رسول اللہ صلی اللہ علیہ وسلم آگہی دے دی کہ اَلنَّظْرُ سَھْمٌ مِّنْ سِھَامِ اِبْلِیْسَ مَسْمُوْمٌ 10؎ دیکھو! نظر بازی ابلیس کے تیروں میں سے ایک تیر ہے، وہ بھی مسموم یعنی زہریلا تیر ہے، اس کے زہر سے ایمان میں انفیکشن ہوجائے گا، شیطان اللہ تعالیٰ کی صفتِ مُضل کا مظہرِ اتم ہے، تو اس کے تیر کا کیا حال ہوگا اور پھر مسموم بھی ہے یعنی زہریلا ہے، اس کے زہر سے تمہارے ایمان میں انفیکشن یعنی زہریلا مادّہ پیدا ہوجائے گا پھر گناہوں کے قے دست شروع ہوجائیں گے۔ دیکھو! بدنظری کے بعد کتنے گناہ شروع ہوجاتے ہیں، یہاں تک کہ لوگوں کا خاتمہ خراب ہوگیا۔ علامہ ابن جوزی رحمۃ اللہ علیہ نے لکھا ہے کہ ایک شخص کسی لڑکے پر عاشق ہوگیا، جب وہ مرنے لگا اور اس کو کلمہ پڑھایا گیا تو بجائے کلمہ پڑھنے کے اس نے یہ شعر پڑھا ؎ _____________________________________________ 10؎المستدرک للحاکم:349/4(7875) ،کنز العمال:328/5(13068)الفرع فی مقدمات الزناوالخلوۃ،مؤسسۃ الرسالۃ