علامات ولایت |
ہم نوٹ : |
 |
علاماتِ ولایت اَلْحَمْدُ لِلہِ وَکَفٰی وَسَلَامٌ عَلٰی عِبَادِہِ الَّذِیْنَ اصْطَفٰی اَمّا بَعْد غذائے اولیاء کیا ہے؟ بعض لوگ نظر بازی یعنی آنکھوں کا زِنا بھی کرتے ہیں اور ولی اللہ بننے کا خواب بھی دیکھتے ہیں۔ یہ کیسا خواب ہے؟اگر ولی اللہ بننا ہے تو غذائے اولیاء کھانی ہوگی، جیسی مخلوق ہو اُس کو ویسی غذا ملنی چاہیے،اگر انسان کو گدھے والی غذا یعنی بھوسہ کھلادیا جائے تو وہ بچے گا؟ لہٰذا اگر ولی اللہ بننا چاہتے ہو تو غذائے اولیاء کھاؤ ، غذائے فُسّاق کیوں کھاتے ہو؟ فاسقانہ غذا کھا کر صوفیانہ مقامات طے کرنا چاہتے ہو۔اور غذائے اولیاء کیا ہے؟ گناہ چھوڑنے کا غم اُٹھانا۔ جیسے بدنظری نہیں کی یعنی کسی حسین سے نظر بچائی تو دل پر چوٹ لگی، زخم لگا ؎ زخم حسرت ہزار کھائے ہیں تب کہیں جا کے اُن کو پائے ہیں ان حسینوں سے دل بچانے میں ہم نے غم بھی بڑے اُٹھائے ہیں یہ اخترؔ کے اشعار ہیں۔ اس زخم حسرت سے اورغم سے اللہ ملتا ہے، گناہ چھوڑنے کا یہ غم غذائے اولیاء ہے۔ عبادت تو دونوں کی غذا ہے یعنی اولیاء اللہ اور فاسقین دونوں عبادت کرتے ہیں، جو چیز بین الفساق اور بین الاولیاء مشترک ہو وہ اولیاء کی امتیازی غذا کیسے ہوسکتی ہے؟جو غذا یعنی عبادت بین الفساق اور بین الاولیاء ہو جیسے حج و عمرہ اور ذکر و تلاوت یہ بین الفساق وبین الاولیاء غذا ہے، دونوں کی مشترکہ غذا ہے، لیکن اولیاء اللہ کی امتیازی غذا تقویٰ ہے جو فساق کو نصیب