تحفہ ماہ رمضان |
ہم نوٹ : |
 |
ہے۔ شراب اور بے پردگی یہ دو چیزیں زنا کے خاص اسباب ہیں۔ ایک امریکن لڑکے نے پوچھا کہ گانا شریعت میں کیسا ہے؟ میں نے کہا حرام ہے۔ اُس نے کہا کیوں؟ میں نے کہا گانا سننے سے زنا کا تقاضا پیدا ہوتا ہے۔ اَلْغِنَاءُرُقْیَۃُ الزِّنَا 9؎تو اس نے کہا آل رائٹ یعنی بالکل صحیح ہے، جب ہم گانا سنتے ہیں تو ہمارے دل میں زنا کے بہت زیادہ تقاضے شروع ہوجاتے ہیں۔ گانے سے مراد ایسے اشعار ہیں جن میں دنیاوی محبوبوں کی محبت کے مضامین ہوں یا سازو موسیقی ہو۔ اللہ اور رسول کی محبت کے اشعار جن میں ساز و موسیقی نہیں ہوتی مستثنیٰ ہیں۔ ان کا نام جو گانا رکھے گا وہ بے وقوف ہے۔ برکاتِ رمضان سے محروم کرنے والی دوسری بیماری ’’غیبت‘‘ اب دوسرا مرض جو رمضان میں بہت زیادہ مضر ہےغیبت ہے۔ غیبت کرنے والا اپنی نیکیوں کا مال منجنیق میں رکھ کر مثلاً کراچی سے کلکتہ بھیج رہا ہے، ڈھاکہ بھیج رہا ہے، دبئی بھیج رہا ہے۔ جس کی غیبت کررہا ہے وہ چاہے دبئی کا ہو، ڈھاکہ کا ہو، کلکتہ کا ہو، مدراس کا ہو، بمبئی کا ہو، غیبت کرنے والے کی نیکیاں اُس کے اعمال نامہ میں جارہی ہیں جس کی غیبت کررہا ہے۔ اس لیے سرورِ عالم صلی اللہ علیہ وسلم نے فرمایا کہ بتاؤ! مفلس کون ہے؟ صحابہ نے عرض کیا ہم مفلس اُس کو سمجھتے ہیں جو غریب مسکین ہو۔ فرمایا: نہیں! مفلس وہ ہے جو قیامت کے دن نیکیاں روزہ، نماز، تلاوت، حج، عمرہ وغیرہ لے کر آئے لیکن غیبت سے نہیں بچا جس کی وجہ سے اُس کی نیکیاں ان لوگوں کو دے دی جائیں گی جن کی اُس نے غیبت کی ہے اور جب نیکیاں ختم ہوجائیں گی تو جس کی غیبت کی ہے اُس کے گناہ اُس کے سر پر لاد دیے جائیں گے جس کے نتیجے میں جہنم میں ڈال دیا جائے گا۔ _____________________________________________ 9؎کشف الخفا ءومزیل الالباس :95/2(1814)مکتبۃ العلم الحدیث