تحفہ ماہ رمضان |
ہم نوٹ : |
 |
ہے؟ کہا کہ میں اپنی بیوی پر عاشق ہوں مگر آج کل وہ مجھے جوتیاں لے کر دوڑاتی ہے، مجھ سے ناراض ہے، کوئی وظیفہ بتائیے کہ وہ مجھ سے خوش ہوجائے۔ میں رونے لگا۔ میں نے کہا کہ کاش! ہمیں اللہ تعالیٰ کی ایسی ہی فکر ہوجاتی کہ ہم اُن کو ناراض نہ کریں، کچھ ایسی معافی دردِدل سے مانگیں کہ اللہ تعالیٰ ہم سے خوش ہوجائیں۔ اُس کی تو بیوی کی محبت میں نیند حرام ہے اور ہم اللہ کی نافرمانی کرکے چائے پیتے ہیں، انڈے کھاتے ہیں، مکھن اُڑاتے ہیں۔ نافرمانی سے دل سیاہ ہے اور عیش کررہے ہیں لیکن یہ کیا عیش ہے؟ منہ میں کباب ہے دل پر عذاب ہے۔ اللہ جس سے ناراض ہے۔ جس کو اللہ تعالیٰ اپنی ناراضگی کے اَلم اور عذاب میں پکڑتا ہے تو سارا عالَم مل کر اللہ کے پکڑے ہوئے کو چھڑا نہیں سکتا، کیوں کہ چھڑاتا وہ ہے جس کی طاقت پکڑنے والے سے زیادہ ہو اور اللہ سے بڑھ کر کسی کی طاقت نہیں ہے۔ اس لیے اللہ تعالیٰ کو ناراض کرکے عیش کرنے والے انٹرنیشنل گدھے ہیں۔ اُن کے دماغ میں عقل کا نام و نشان نہیں ہے، مگر جب موت آئے گی تب آنکھیں کھلیں گی۔ حضرت علی رضی اللہ تعالیٰ عنہ فرماتے ہیں: اَلنَّاسُ یَنَامُوْنَ اِذَا مَاتُوْا اِنْتَبَہُوْا لوگ سورہے ہیں لیکن جب موت آئے گی تب جاگیں گے، موت اُن کو جگائے گی۔ چین سے جینے کا نسخہ اس لیے اللہ کے نام پر دردِدل سے کہتا ہوں کہ آپ بھی اور خواتین بھی دنیا میں چین سے رہنا چاہتے ہیں یا بے چین اور پریشان رہنا چاہتے ہیں؟ اگر چین سے رہنا چاہتے ہو تو چین اور خوشی صرف اللہ کے قبضے میں ہے۔ مالک کو ناراض کرکے گناہوں کی لذت سے حرام خوشیاں لینے والا ہمیشہ کے لیے اپنی زندگی کو عذابِ الٰہی میں اور بے چینی میں مبتلا کرنے کا اقدام کررہا ہے، اپنے ہاتھ سے اپنے پاؤں پر کلہاڑی مار رہا ہے۔ چین کا اللہ تعالیٰ نے یہی نسخہ ارشاد فرمایا کہ اگر تم نیک عمل کرو اور مجھ کو خوش رکھو تو فَلَنُحۡیِیَنَّہٗ حَیٰوۃً طَیِّبَۃً 4 ؎ہم تم کو بڑی بالطف زندگی دیں گے۔ یہ ترجمہ حکیم الامت کا ہے۔ _____________________________________________ 4؎النحل :97