ماہنامہ انوار مدینہ لاہور مئی 2007 |
اكستان |
 |
حضرت اقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) حضرت عمر اور حضرت محمد بن مَسْلَمة کی فتنوں سے حفاظت حضرت عثمان و حضرت علی دونوں حق پر تھے صحابہ کرام اور ائمہ کی بغداد آمد و رفت ( تخریج و تزئین : مولانا سےّد محمود میاں صاحب ) (کیسٹ نمبر 53 سائیڈA 18-10-1985) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! حضرت ِحذیفہ رضی اللہ تعالیٰ عنہ، حضرت ِمعاذ بن ِجبل رضی اللہ عنہ، اِن حضرات کے بارے میں پہلے ذکر ہوا، یہ بڑے بڑے صحابہ کرام ہیں جنہوں نے جناب رسول اللہ ۖ سے علم حاصل کیا۔ تو ایسے صحابہ کرام کی تعداد زیادہ نہیں ہے۔ نبی علیہ السلام سے بھرپور علم حاصل کرنے والے صحابہ بائیس تھے : ابن ہُمام رحمة اللہ علیہ نے تواندازًاصرف بائیس لکھے ہیں، کہ ایسے صحابہ کرام کہ جن کی طرف رجوع کیا جائے، مسائل اُن سے پوچھے جاتے ہوں اور صحابی اُن کی طرف رجوع کرتے ہوں وہ بائیس سے زیادہ نہیں بنتے۔ عشرہ مبشرہ ہیں، اِن حضرات کے علاوہ باقی دیکھے جائیں تو بہت زیادہ نہیں ہے تعداد۔ باقی اور