ماہنامہ انوار مدینہ لاہور مئی 2007 |
اكستان |
|
س قسم کی کارروائی وفاقی دارُ الحکومت کے شہریوں کو دینی تعلیم کے حق سے محروم کرنے کی کارروائی ہوگی جسے قبول نہیں کیا جائے گا اور حکومت کو اِس سلسلہ میں شدید عوامی ردِّعمل اور مزاحمت کا سامنا کرنا پڑے گا۔ ٭ یہ اجلاس جامعہ حفصہ اسلام آباد پر گزشتہ روز ہیلی کاپٹر کی نچلی پرواز اور مبینہ طور پر زہریلی گیس کا استعمال اور طالبات کی تصاویر اُتارے جانے کی کارروائی کی شدید مذمت کرتا ہے اور حکومت سے مطالبہ کرتا ہے کہ اِس طرح کی اشتعال انگیز کارروائیوں کا سلسلہ فوری طور پر بند کیا جائے اور طاقت کے استعمال کی بجائے مذاکرات کے ذریعہ مسئلہ کو حل کیا جائے۔ وفیات ٭ جناب محمد فیصل صاحب کے خسر مرحوم جناب اوّل خان صاحب آفریدی سٹرک کے حادثہ میں زخمی ہونے کے بعد ٢٧ اپریل کو لاہور میں وفات پاگئے۔ مرحوم بہت اچھے روایتی انسان تھے۔ اللہ تعالیٰ اُن کی مغفرت فرماکر جنت الفردوس میں جگہ عطاء فرمائے اور پسماندگان کو صبر جمیل کی توفیق عطاء فرمائے، آمین۔ ٭ کراچی کے محترم سید رضوان صاحب کے جواں سال بھائی ٢١ اپریل کی شب راہزنوں کے ہاتھوں شہید ہوگئے۔ اِنَّا لِلّٰہِ وَاِنَّا اِلَیْہِ رَاجِعُوْنَ۔ مرحوم نے تین برس کا معصوم، ایک بیوہ، والدین اور بھائی سوگوار چھوڑے۔ اللہ تعالیٰ مرحوم کی مغفرت فرماکر جنت الفردوس میں جگہ عطا ء فرمائے۔ پسماندگان کی کفالت فرکاکر صبر جمیل کی توفیق عطا فرمائے، آمین۔ ٭ مارچ کے آخر میں جامعہ مدنیہ جدید کے فاضل مولوی عبد اللہ تاجی ایک ناگہانی حادثہ میں شہید ہوگئے اِنَّا لِلّٰہِ وَاِنَّا اِلَیْہِ رَاجِعُوْنَ ۔ اللہ تعالیٰ مرحوم کو اپنے جوارِ رحمت میں جگہ عطاء فرماکر پسماندگان کو صبر جمیل کی توفیق نصیب فرمائے، آمین۔ ٭ جامعہ مدنیہ کے فاضل مولوی عبد الرحمن کے دادا طویل علالت کے بعد وفات پاگئے اِنَّا لِلّٰہِ وَاِنَّا اِلَیْہِ رَاجِعُوْنَ ۔اللہ تعالیٰ مرحوم کی مغفرت فرماکر جنت الفردوس میں جگہ عطا فرمائے اور اُن کے پسماندگان کو صبر جمیل کی توفیق عطاء فرمائے، آمین ۔ جامعہ مدنیہ جدید و خانقاہ ِحامدیہ میں جملہ مرحومین کے لیے ایصالِ ثواب اور دُعائے مغفرت کروائی